به ‌ناوی خوای به‌خشنده‌ی میهره‌بان. سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. سلامی خوای گه‌وره‌تان لێ بێت. برایان پرسیاره‌که‌م ده‌رباره‌ی "ڕیبای قه‌رزه‌ یان ته‌ئخیر". له‌ ئیسلامدا ڕیبا شه‌ش جۆرن. دوان له‌وانه‌ زێرو زیون. هه‌روه‌ها له‌ ئیسلامدا کڕین و فرۆشتنی زێرو زیون ئه‌بێت ده‌ست به‌ ده‌ست بێت، به‌حازری، نابێت مامه‌ڵه‌که‌ دوابخرێت، ئه‌گینا ئه‌جێته‌ پله‌ی ڕیبای قه‌رز. ئینجا برایان که‌سانی واهه‌یه‌ که‌ بازرگانی ده‌کات له‌ ڕێگای "ئینتێرنێته‌وه‌" بۆ نموونه‌ سایتی "ebay.com". بێگومان ئه‌مه‌ ‌ بازار نیه‌، تا مامه‌ڵه‌که‌ ده‌ست به‌ ده‌ست بکرێت، به‌ڵکو کڕین و فرۆشتنی هه‌ر له‌ ئینتێرنێته‌وه ئه‌کرێت. پرسیاره‌که‌م ئه‌مه‌ که‌ ئه‌گه‌ر که‌سێک، بابڵێین که‌سی A له‌ B زێر یان زیو ده‌کڕێت له‌م ڕێگایه‌وه‌، یه‌عنی ده‌ست به‌ ده‌ست نه‌کرێت. A که‌ زێرو زیو ئه‌کڕێت، ئه‌بێت له‌ ڕێگای بانگه‌وه‌ پاره‌که‌ بنێرێت بۆ B.کابرای B چاوه‌روان ده‌کات تا پاره‌که‌ی ده‌گاته‌ ده‌ستی، ئه‌و کاته‌ که‌ پاره‌که‌ گه‌یشته‌ ده‌ستی، ئه‌وجا زێرو زیوه‌که‌ له‌ ڕێگای پۆسته‌وه‌ ئه‌ینێرێت بۆ A. مامه‌ڵه‌که‌ ده‌ست به‌ ده‌ست نه‌کریاوه‌، زیادوه‌ش مامه‌ڵه‌که‌ ته‌ئخیر کراوه‌. ئایا ئه‌م جۆره‌ بازرگانیه‌ ئه‌که‌وێته‌ به‌شی ڕیبای قه‌رز وه‌ ئایا حه‌رامه‌ یان چۆنه؟ چونکه‌ به‌ڕاستی زۆر موسوڵمان هه‌یه‌ له‌م جۆره‌ بازرگانیه‌ ده‌کات، ئه‌کرێت و ئه‌فرۆشێت...چاوه‌ڕوانی جوابی به‌ڕێزتانین. خوای گه‌وره‌ پاداشتی خێرتان بداته‌وه‌ وه‌ ئیستیقامه‌تتان پێ ببه‌خشێت له‌ سه‌ر کاری خێر.