پله‌وپایه‌ی هه‌ندێ له سووره‌ته‌کانی قورئان به‌پێی لێکۆڵینه‌وه‌ی زانای پایه‌به‌رز (الألباني) -ڕه‌حمه‌تی خوای لێ بێت- (به‌شی ٣) کوڕی خاك سوڕه‌تی(هود). * ئه‌و فه‌رمووده دروستانه‌ی له‌باره‌ی ئه‌م سووڕه‌ته‌وه هاتوون: 1/ " قال أبو بكر رضي الله عنه : يا رسول الله قد شبت قال: شيبتـني(هود) و(الواقعة) و(المرسلات) و(عم يتساءلون) و(إذا الشمس كورت)" . رواه الترمذي وصححه الألباني في صحيح الجامع / 3723 . واته/ ئه‌بوبه‌کری صدیق-خوا لێی ڕازی بێت- فه‌رمووی ئه‌ی پێغه‌مبه‌ری خوا(صلى الله عليه وسلم) ده‌تبینم که پیر بووی؟ فه‌رمووی: پیری کردم سووڕه‌ته‌کانی(هود) و(الواقعة) و(المرسلات) و(عم يتساءلون) و(إذا الشمس كورت).. 2/ " شيبتني هود و أخواتها قبل المشيب" صحيح الجامع الصغير/ 3721 . واته/ پیری کردم سووره‌ته‌کانی(هود) و خوشکه‌کانی پێشه پیری(پێش ئه‌وه‌ی بگه‌مه ته‌مه‌نی پیری). 3/ "شيبتني هود و أخواتها من المفصل" صحيح الجامع الصغير/3722 . واته/ پیری کردم سووره‌تی(هود) و خوشکه‌کانی له سووره‌ته کورتئایه‌ته‌کان(مه‌به‌ستی له سووره‌ته‌کانی جوزمه‌کانی دوایی قورئانه). 4/ "قد شيبتي هود وأخواتها" صحيح الشمائل المحمدية / 35. واته/ به‌ڕاستی پیری کردم(هود) و خوشکه‌کانی.. هه‌ندێ فه‌رمووده‌ی لاواز له‌باره‌ی ئه‌م سووره‌ته‌وه. 1/ " شيبتني هود و أخواتها ، و ما فعل بالأمم قبلي" ضعيف الجامع الصغير/ 3421. واته/ پیری کردم(هود) و خوشکه‌کانی، هه‌روه‌ها ئه‌وه‌ش که به‌سه‌ر ئوممه‌ته‌کانی پێش مندا هاتووه. 2/ " اقرؤوا سورة هود يوم الجمعة " ضعيف الجامع الصغير / 1070. واته/ سووره‌تی(هود) بخوێنن له ڕۆژی جومعه. 3/ " شيبتني( هود) و أخواتها ، (الواقعة) و(الحاقة) و (إذا الشمس كورت)" ضعيف الجامع الصغير/ 3419 . واته/ پیری کردم(هود) و خوشکه‌کانی، (الواقعة) و(الحاقة) و (إذا الشمس كورت). 4/ " شيبتني سورة هود و أخواتها الواقعة و القارعة و الحاقة و إذا الشمس كورت و سأل سائل" ضعيف الجامع الصغير / 3418 . واته/ پیری کردم دووره‌تی هود و خوشه‌که‌کانی(الواقعة و القارعة و الحاقـة و إذا الشمس کورت و سأل سائل.. 5/ " شيبتني هود و أخواتها ، ذكر يوم القيامة ، و قصص الأمم" ضعيف الجامع الصغير / 3420 . واته/ پیری کردم سووره‌تی هود و خوشکه‌کانی، یادی ڕۆژی قیامه‌ت و چیرۆکی ئوممه‌ته‌کانی پێشوو. سووره‌تی(الإسراء). ئه‌و فه‌رمووده دروستانه‌ی له‌و باره‌یه‌وه هاتوون: 1/ " قالت عائشة رضي الله عنها : ( كان النبي صلى الله عليه وسلم لا ينام حتى يقرأ " الزمر " و " بني إسرائيل" ( أي سورة الإسراء)" رواه الترمذي وصححه الألباني في سلسلة الأحاديث الصحيحة / 641. واته/ عائیشه-خوای لێ ڕازی بێت- فه‌رمووی: پێغه‌مبه‌ری خوا(صلى الله عليه وسلم) شه‌وان نه‌ده‌خه‌وت هه‌تاوه‌کو دوو سووره‌تی(الزمر) و (بني إسرائیل: الإسراء). 2/ " عن العرباض بن سارية رضي الله عنه أن النبي صلى الله عليه وسلم : ( كان لا ينام حتى يقرأ المسبحات ويقول فيها آية خير من ألف آية" رواه الترمذي وصححه الألباني/ 2712. واته/ عیربازی کوڕی سارییه-خوای لێ ڕازی بێت- ده‌فه‌رموێت: پێغه‌مبه‌ری خوا(صلى الله عليه وسلم) پیشه‌ی وابوو نه‌خه‌وێت مه‌گه‌ر موسه‌ببیحات بخوێنێت، ده‌یفه‌رموو: ئایه‌تێکی تێدایه خێرتره له هه‌زار ئایه‌ت. موسه‌ببیحات: ئه‌و سووڕه‌تانه‌ن که به‌سبح و يسبح ده‌ستی پێکردووه، که بریتییه له سوووره‌ته‌کانی(الإسراء و الحدید و الحشر و الصف و الجمعة و التغابن و الأعلى). سووره‌تی(الکهف). 1/ "من حفظ عشر آيات من أول سورة الكهف عُصم من الدجال" وفي رواية"من آخر سورة الكهف" رواه مسلم. واته/ هه‌رکه‌سێک ده ئایه‌تی هه‌وه‌ڵی سووره‌تی که‌هف له‌به‌ربکات، ده‌پارێزرێت له ده‌جال، له ڕیوایه‌تێکی تر: ده ئایه‌تی کۆتایی سووره‌تی که‌هف. 2/ "من حفظ عشر آيات من أول سورة الكهف عُصم من " فتنة " الدَّجال" صححه الألباني في سلسلة الأحاديث الصحيحة/ 582. واته/ ئه‌وه‌ی ده ئایه‌تی هه‌وه‌ڵی سووره‌تی که‌هف له‌به‌ربکات، ده‌پارێزرێت له ئاشووب و شه‌ڕی ده‌جال. 3/ "من قرأ سورة الكهف(كما أنزلت) كانت له نورا يوم القيامة ، من مقامه إلى مكة ، و من قرأ عشر آيات من آخرها ثم خرج الدجال لم يضره ، و من توضأ فقال : سبحانك اللهم و بحمدك(أشهد أن) لا إله إلا أنت ، أستغفرك و أتوب إليك ، كتب في رق ، ثم جعل في طابع ، فلم يكسر إلى يوم القيامة" صححه الألباني في سلسلة الأحاديث الصحيحة / 2651 . واته/ ئه‌وه‌ی سووره‌تی که‌هفی خوێند(به‌و جۆره‌ی هاتۆته خواره‌وه) ده‌بێته ڕوناکییه‌ک بۆی له ڕۆژی قیامه‌ت، به‌ڕاده‌ی دووری نیشته‌جێی خۆی له مه‌ککه‌وه، هه‌رکه‌سێکیش ده ئایه‌تی کۆتایی خوێند و پاشان ده‌جال ده‌رپه‌ڕی، زیانی پێ ناگه‌یه‌نێت، ئه‌وه‌ش که ده‌ستنوێژی گرت و وتی: پاک و بێگه‌ردی بۆ تۆ ئه‌ی په‌رستراوم و سوپاسی هه‌ر تۆ ده‌که‌م، شایه‌تی ده‌ده‌م که هیچ په‌رستراوک نییه به‌هه‌ق مه‌گه‌ر تۆ، داوای لێخۆشبوونت لێ ده‌که‌م و تۆبه بۆ لای تۆ ده‌که‌م، ئه‌وا ده‌نووسرێت له ئازادکراوان و مۆرێکی لێ ئه‌درێت(مۆری چاکیی) ناشکێت و لێی نابێته‌وه هه‌تاوه‌کو ڕۆژی قیامه‌ت. 4/ " من قرأ سورة ( الكهف ) ليلة الجمعة، أضاء له من النور ما بينه وبين البيت العتيق " صححه الألباني في صحيح الترغيب والترهيب / 736. واته/ هه‌ر که‌سێک بخوێنێت سووره‌تی(الکهف) شه‌وی جومعان، ڕووناکییه‌کی بۆ ده‌دره‌وشێته‌وه له نێوانی ئه‌و و که‌عبه‌ی پیرۆز. 5/ " من قرأ سورة ( الكهف ) في يوم الجمعة أضاء له من النور ما بين الجمعتين" صححه الألباني في صحيح الترغيب والترهيب / 736 . واته/ هه‌ر که‌سێک بخوێنێت سووره‌تی(الکهف) له ڕۆژی جومعه، بۆی ده‌دره‌وشێته‌وه نوورێک له نێوانی دوو جومعه(ئه‌و جومعه‌یه و ئه‌وه‌ی دی که دێت). * هه‌ندێ فه‌رمووده‌ی لاواز له‌باره‌ی ئه‌م سووڕه‌ته‌وه: 1/ " ألا أخبركم بسورة ملأت عظمتها ما بين السماء و الأرض ؟ و لقارئها من الأجر مثل ذلك، و من قرأها غفر له ما بينه و بين الجمعة الأخرى، وزيادة ثلاثة أيام ؟ قالوا : بلى قال : سورة الكهف " ضعيف جداَ / ضعيف الجامع الصغير / 2160 . واته/ ئایا هه‌واڵتان بده‌مێ ده‌رباره‌ی سووره‌تێک گه‌وره‌یی و مه‌زنێتییه‌که‌ی نێوانی زه‌وی و ئاسمانی پڕ کردووه؟ و بۆ خوێنه‌ره‌که‌شی وه‌کو ئه‌وه پاداشتی هه‌یه، هه‌ر که‌سێکیش خوێندی له‌و گوناهانه‌ی خۆش ده‌بێت که له نێوانی ئه‌و جومعه و جومعه‌یه‌کی تردا ده‌یکات، و سێ ڕۆژی زیاده‌ش؟ وتیان به‌ڵی، فه‌رمووی: سووره‌تی(الکهف)ه. 2/ " سورة الكهف تدعى في التوراة : الحائلة ؛ تحول بين قارئها وبين النار " سلسلة الأحاديث الضعيفة / 3259 . واته/ سووره‌تی(الکهف) ناوی هاتووه له ته‌ورات به(الحائلة؛ به‌ربه‌ست)؛ به‌ربه‌ست ده‌کات له نێوانی خوێنه‌ره‌که‌ی و ئاگری دۆزه‌خ. 3/ " من قرأ ثلاث آيات من أول الكهف؛ عصم من فتنة الدجال " ضعيف مشكاة المصابيح / 2088 . واته/ هه‌ر که‌سێک سێ ئایه‌تی سه‌ره‌تای سوره‌تی(الکهف)ی خوێند؛ ده‌پارێزرێت له فیتنه و ئاشووبی ده‌جال. ماوێتی..