له‌هۆكاره‌كانی دواكه‌وتن و داڕمانی موسڵمانان جێبه‌جێنه‌كردنی باوه‌رِبوون به‌ غه‌یبه‌.!



باوکی موحه‌ممه‌د


پرسیار: ئایا باوه‌ربوونی موسڵمانان به‌ غه‌یب به‌ شێوه‌یه‌كی تێوری و جێ به‌ جێنه‌كردنیان به‌ شێوه‌ی كرده‌وه‌یی، له‌ هۆكاری دواكه‌وتن و داڕمانیان ناژمێررێت و له‌ ده‌ست دانی ئه‌و چاكترینه‌ نیه‌ كه‌ خوای گه‌وره‌ پێی به‌خشیوون؟ 


وه‌ڵام: به‌ڵێ، ماده‌م باوه‌ڕبوون به‌ غه‌یب بریتی بێت له‌: باوه‌ڕ به‌ خواو فریشته‌كانی و كتێبه‌كانی و پێغه‌مبه‌رانی و ڕۆژی دوایی و قه‌ده‌ر؛ ئه‌وه‌ بێ هیچ گومانێك لاوازی موسڵمانان له‌وه‌داو كرده‌وه‌یی نه‌كردنی ئه‌و باوه‌ڕه‌و هیشتنه‌وه‌ی ته‌نها له‌ بواری تیوریدا، گومانی تیا نیه‌ كه‌ به‌ هۆكاری دواكه‌وتن و داڕمانیان ئه‌ژمێررێت كه‌ ئێسته‌ توشی موسڵمانان هاتووه‌، هه‌روه‌ها هۆیه‌كه‌ له‌ لاوازی و زاڵبونی دوژمنان به‌ سه‌ریاندا، وه‌ په‌رته‌وازه‌ بوون و پارچه پارچه‌ بوونی و جیاوازی له‌‌ قسه‌و هه‌ڵوێسته‌كانیاندا، وه‌ سوكی و كه‌م به‌هایی كاره‌كانیان لای خوای په‌روه‌ردگار، و حسبنا الله و نعم الوكیل.