خالدی كوڕی وه‌لید: هاوه‌ڵی به‌ڕێز خالدی كوڕی وه‌لیدی كوڕی موغیره‌ی كوڕی عبدالله ی كوڕی عومه‌ر كوڕی مه‌خزومی مه‌خزومیه، كونیه‌كه‌ی ابو سلمانه، به شمشێری خوا ناوبانگی هه‌یه، له نێوان حوده‌یبیه‌و فه‌تحی مه‌ككه‌دا موسڵمان بوو، له ساڵی (22)ك وه‌فاتی كردووه.
خالیدی كوڕی عبدالله‌ی قه‌سری: میری گه‌وره، باوكی هه‌یسه‌م خالید كوڕی عبدالله كوڕی یه‌زید كوڕی ئه‌سه‌دی قه‌سری دیمه‌شقی، میری عێراقیه‌كان بوو، ڕه‌حمه‌تی خوای لێبێ له ساڵی (126)ك وه‌فاتی كرد.
خه‌دیجه: دایكی باوه‌ڕداران خه‌دیجه‌ی كچی خوه‌یلد كوڕی ئه‌سه‌د كوڕی عبدالعزی كوڕی قوصی كوڕی كلاب قوڕه‌یشی ئه‌سه‌دی، یه‌كه‌م كه‌سێك بوو باوه‌ڕی هێنا به پێغه‌مبه‌ر صلىالله علیه وسلم، له مه‌ككه له پێش كۆچدا له ساڵی ماته‌میدا به سێ ڕۆژ دوای ئه‌بی طالب وه‌فاتی كرد، وه مناڵه‌كانی پێغه‌مبه‌ر صٍلىالله علیه وسلم هه‌موویان له‌ون ته‌نها ئیبڕاهیم نه‌بێ كه له ماریه‌ی قیبطیه.
خه‌بابی كوڕی ئه‌ره‌ت: خه‌بابی كوڕی ئه‌ره‌تی ته‌میمی، باوكی عبدالله، له پێشه‌واكانه له ئیسلامدا، له‌وانه‌یه كه له پێناوی خوادا سزاو ئه‌شكه‌نجه درا، له كوفه نیشته‌جێ بوو، هه‌ر له‌وێش له ساڵی (37)ك وه‌فاتی كرد.
خه‌یبه‌ر: شوێنێكه هه‌شت بورد له مه‌دینه‌وه دوره، جوله‌كه تیایدا نیشته‌جێ ببوون، وه مانای خه‌یبه‌ریش به زمانی جوله‌كایه‌تی: چاك، وه له به‌ر ئه‌وه‌ی حه‌وت قه‌ڵای له خۆ گرتبوو پێی ئه‌وترا: خه‌یبه‌ره‌كان، پێغه‌مبه‌ر صلی الله علیه و سلم له ساڵی (7)ك فه‌تحی كرد.
خه‌واریج: یه‌كه‌م تاقمێك بوون له مێژووی ئیسلامدا ده‌ركه‌وتن، ده‌رچوون له سه‌ر ئه‌میری باوه‌ڕداران عه‌لی كوڕی ئه‌بی طالب خوا لێی ڕازیبێ و هه‌نێ له هاوه‌ڵانیان كافر كرد، له بیروباوه‌ڕیان: پێویست بوونی ده‌رچوون به سه‌ر پێشوایانی موسڵمانان كه سته‌م و فسقیان تیا بێ، وه به كافركردنی بكه‌ری تاوانی گه‌وره، وه قسه‌ی ئه‌وه‌ی كه به نه‌مری ئاگردا ئه‌مێنێته‌وه، وه ئینكاركردن و باوه‌ڕ نه‌بوون به شه‌فاعه‌ت.
خه‌لیفه ئه‌بوبه‌كر: هاوه‌ڵی به‌ڕێز و خاوه‌ن قه‌در عبدالله كوڕی ئه‌بی قوحافه، هاوه‌ڵی پێغه‌مبه‌ری خوا (صلی الله علیه وسلم) باشترینی ئه‌م ئوممه‌ته‌یه دوای پێغه‌مبه‌ره‌كه‌ی، وه یه‌كه‌م خه‌لیفه‌ی ڕاشیده، وه یه‌كه‌م كه‌سێك بوو له پیاوان كه باوه‌ڕی به پێغه‌مبه‌ر (صلی الله علیه سلم) هێنا، جێنشینایه‌تیه‌كه‌ی دوو ساڵ و سێ مانگی خایاند، له ساڵی (13)ك وه‌فاتی كرد.