دانراوه له‌لایه‌ن: چاودێر خاڵی بیست وسێیه‌م: له کۆمه‌ڵگه دانه بڕان ده‌بێ بانگخواز هاوبه‌شی ناخۆشی و خۆشی خه‌ڵک بێ بۆ گشت لا به سود و که‌ڵک بێ نه‌خۆشیان به‌سه‌ر کاته‌وه هه‌رکه‌سێک و له‌هه‌رلابێ، تێکه‌ڵ نه‌بون به کۆمه‌ڵگه نادروسته‌و به دابڕانی له خه‌ڵکی که‌ڵکی نابێ ئه‌گه‌ر خه‌ڵکی تێگه‌ییشتن تۆش له خه‌م وخۆشی وکێشه‌ی گشت لا به‌شدار ده‌بی و دێیته پێشێ خۆشیان ده‌وێیت بانگخوازیش تا خۆش نه‌ویسترێ هیچ شتێکی لێ نابیسترێ وه یان بابه‌تی ژن خوازی که هیچ پاساوو نیازێ وا ناخوازێ له بانگخوازێ بێ نیاز بێ چونکه ئه‌و گرنگه دیار بێ و له پیروزبایی کردن و شادییانداو له‌کاروباردا به‌شداربێ به‌ڵکو پێی خۆشحاڵ تر ده‌بن سوودمه‌ند ده‌بن له‌و دانیشتن وکۆڕه‌دا سه‌رقاڵی په‌ند و وتاربێ له پڕۆسه‌ی ژن هێنان و به شودان دا بۆ چینی لاو دڵسۆزانه یاریده‌رو ده‌ست به کار بێ به مۆژیاری و وته‌ی شیرین دڵخۆشکه‌ر وخه‌م ڕه‌وێنی تازیه‌بارو ده‌رده‌دار بێ هه‌رده‌م بۆ چاره‌سه‌رکردنی گرفتی خه‌ڵکی به‌خه‌م بێ و نابێ ئه‌م کاره‌ی لا که‌م بێ که سوننه‌تی پێغه‌مبه‌ره (صلی الله علیه وسلم) وه‌ک له بوخاری هاتوه هێنده به‌م ئه‌رکه گیر بووه که جار بوه له‌نوێژێدا دوا که‌وتوه دیاره ئه‌م کاره‌ش هۆکاره بۆ یه‌کتری خۆش ویستن و قبوڵ کردن. خاڵی بیست و چواره‌م: ڕه‌چاو کردنی هێمنی له داوه‌تدا ده‌بێ بانگخواز زۆر هێمن بێ له داوه‌تدا و به وردی هه‌نگاو هه‌ڵێنێ شێوازی خۆی به‌کار بێنێ تا بابه‌تی گه‌وره‌و گرنگ له ئارابێ ورده‌باسان نه‌وروژێنێ ناشکرێ به‌س به وتارێ هه‌مو ئیسلام بگه‌ێنێ و خه ڵکیش هه‌مو تێگه‌ێێنێ بۆ نمونه تۆ بهێنی باسی سحر ونوێژ کردن و ئه‌رک و مافی جیرانان و هاوه‌ڵ بۆ خودا دانان و بابه‌تی یه‌کتا په‌رستی له یه‌ک وتار کۆ که‌یته‌وه گوێگر بڕستی لێ ده‌بڕێ وتێت ناگات وتێشت بگات هه‌رزوو بیری ده‌چێته‌وه بۆیه له‌م جۆره باسانه بۆ تێگه‌شتن وا ئاسانه به وردی و جوان ڕون بێته‌وه بڕوانه کاتێ پێغه‌مبه‌ر صلواتی خوای گه‌وره‌ی له‌سه‌ر معاذی بۆ یه‌مه‌ن که‌نارد چی پێ سپارد (اول ماتدعوهم شهادة ان لا اله الا الله و انی رسول الله فانهم ان اطاعوک اخبرهم ان الله فرض علیهم خمس صلوات فی الیوم واللیلة) ئاوا ده‌بێ شیوازی ئیش که ماڵی خاڵی بن خوداچ سودێ وا نابه‌خشێ ڕیش نابێ بابه‌تی سه‌ره‌کی و گه‌وره‌و گرنگ فه‌رامۆش که‌ی به‌باسی گچکه‌و لاوه‌کی دڵت خۆش که‌ی ده‌بێ ڕێبازی بانگخوازی جۆر به‌جۆری زۆریش بگریته به‌ر هه‌تاکو ببیه کاریگه‌ر له‌سه‌ر گشت لا چون بۆ هه‌ندێ هێنده‌ی که وتاری هه‌ینی کاریگه‌ری و سودی ده‌بێ پێ ده‌چێ که شێوازی دیکه‌ی بانگه‌وازی به‌هره‌ی نه‌بێ بۆیه ده‌بێ که تازه کردنه‌وه‌ی ڕێباز له بانگه‌واز ڕه‌چاو بکرێ به تایبه‌تی له‌م سه‌رده‌مه که بۆ گشت ڕێچکه‌یه‌کی لار شێوه‌ی نوێ به کار ده‌برێ کاتێ خودا هه‌واڵ ده‌دا له‌وانه‌ی دژ به ڕێی ئه ون که‌وا زۆرتر که‌ره‌سته‌یان له‌به‌ر ده‌سته و له زۆر به‌خشینیش ناسره‌ون إن الذين كفروا ينفقون أموالهم ليصدوا عن سبيل الله فسينفقونها ثم تكون عليهم حسرة ثم يغلبون والذين كفروا إلى جهنم يحشرون الانفال36 جا که‌وابێ نابێ مرۆڤ بێ هیوابێ له‌به‌ر بونی که‌ره‌سته‌ی که‌م له‌به‌ر ده‌ستی بێ گومان کاتێ پێغه‌مبه‌ر (صلی الله علیه وسلم) ئیمپراتۆری کیسراو قه‌یصه‌ر چینی دیکه‌ش به‌چه‌ندین جۆر که‌ره سته‌ی زۆر له‌ده‌وروبه‌ر هه‌مو هه‌بون له‌کاتێکدا که ئه‌و به‌که‌ره‌سته‌ی که‌م و له نێو ماڵێکی گڵه‌وه به‌ڵام له‌گه‌ڵ دڵپاکی و ڕاستیدا خودا ئه‌وه‌ی به وی گه‌یاند ئاواتی بو له دڵه‌وه.