نموونه‌ی ئیماندار وه‌كو كشتوكاڵ و نمونه‌ی مونافیق و كافریش وه‌كو سنه‌و به‌روایه.! ٢٨ـ عن كَعْبِ بْنِ مَالِكٍ (رضي الله عنه) قَالَ: قَالَ رَسُولُ اللَّهِ (صلی الله عليه وسلم): (مَثَلُ الْمُؤْمِنِ كَمَثَلِ الْخَامَةِ مِنَ الزَّرْعِ تُفِيئُهَا الرِّيحُ، تَصْرَعُهَا مَرَّةً وَتَعْدِلُهَا أُخْرَى حَتَّى تَهِيجَ. وَمَثَلُ الْكَافِرِ كَمَثَلِ الْأَرْزَةِ الْمُجْذِيَةِ عَلَى أَصْلِهَا، لَا يُفِيئُهَا شَيْءٌ حَتَّى يَكُونَ انْجِعَافُهَا مَرَّةً وَاحِدَةً). وفي الرواية: (وتعدلُها مرةً، حتى يأتيَهُ أجلهُ، و مَثَلُ المنافقِ الأرزَةِ المجذيةِ التي لا يصيبُها شيءٌ). 📙بخاري ، المرضى، ماجاء في كفارة المرض/٥٣١٩ (كعب)كوری(مالك)(خوای لێ ڕازی بێت) ده‌ڵێ: پێغه‌مبه‌ری خوا(صلی الله عليه وسلم) فه‌رمووی: (نموونه‌ی ئیماندار وه‌كو ڕووه‌كێكی ته‌ڕی تازه ڕوواو وایه، باده‌یله‌رزێنێ، به‌ملاو به‌ولادا لاری ده‌كاته‌وه، جارێك زۆر لاری ده‌كاته‌وه، جارێكیش به‌رزی ده‌كاته‌وه، هه‌تا وشك ده‌بێت. نمونه‌ی كافریش وه‌كو سنه‌وبه‌رێك وایه له‌سه‌ر قه‌ده‌كه‌ی ڕاوه‌ستاوه، هیچ شتێك نایجوڵێنی هه‌تا هه‌ڵكه‌ندنی به‌یه‌كجاری) له ڕیوایه‌ته‌تێكیشدا (جارێكیش ڕاستی ده‌كاته‌وه، هه‌تا كۆتایی ژیانی دێت، نمونه‌ی مونافقیش وه‌كو سنه‌وبه‌رێكی پته‌و وایه هیچ شتێكی تووش نابێت) [واته: مونافیق تووشی ده‌ردو به‌ڵای دونیایی نابێت تاببێته كه‌فاره‌تی گوناهی].