سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  مەرجەکانی قوربانی کردن
گۆڕینی فۆنت


مەرجەکانی قوربانی کردن 

١- ئەوەی نیەتی قوربانی کردنی هەیە لەسەرەتای مانگی ذي الحجة وە هەتا ئەوکاتەی قوربانیەکەی دەکات نابێت هیچ موو و نینۆکی لەخۆی بکاتەوە ؛ وە ئەم کارە تایبەتە بەسەرۆک خێزان بۆ خێزان و منداڵەکانی دروستە موو و نینۆکیان بکەن .(واتە لە ١ی٨ی٢٠١٩ ەوە)

٢- نیەتی ئەم عیبادەتە لەدڵدایە و دەبێت مەبەست لەقوربانیەکە تەنها رەزامەندی خوای گەورە بێت ؛ تەنها لەکاتی سەربرینی ئاژەڵەکەدا دەڵێی ( بسم الله - الله أکبر - اللهم تقبل منی هذا منك ولك ) .

٣- ئەو ئاژەڵەی قوربانی پێ دەکرێت بریتیە لە ( وشتر - مانگا - مەڕ - بزن ) . وشتر دەبێت ( پێنج ) ساڵی تەواو کردبێت وە مانگا دەبێت ( دوو ) ساڵی تەواو کردبێت وە بزن دەبێت ( یەک ) ساڵی تەواو کردبێت وە مەڕ دەبێت ( شەش ) مانگی تەواو کردبێت .

٤- ئەم ئاژەڵە نابێت ( شەل ) بێت وە نابێت ( کوێر ) بێت وە نابێت ( نەخۆش ) بێت وە نابێت ( پیرو لاواز ) بێت .

٥- کاتی سەربڕینی قوربانی لەدوای نوێژی جەژنەوە دەست پێ دەکات هەتا کاتی خۆرئاوابونی چوارەمین رۆژی جەژن ( بەشە و رۆژی ئەم چوار رۆژ و شەوە ) دروستە بەڵام بەرۆژ باشترە .

چەند تێبینیەک :

١. مەڕێک یان بزنێک بۆ سەرۆک خێزان و ماڵ و منداڵەکەی دەبێت وە وشتر یان مانگا بۆ حەوت سەرۆک خێزان و ماڵ و منداڵەکانیان دەبێت .

٢. دروستە گۆشتی قوربانیەکە بکەی بەسێ بەش لەم سێ بەشە بەشێکی بۆخۆت و ماڵ و منداڵت هەڵی بگری و بیخۆی وە بەشێکی بکەی بەدیاری بۆ خزم و دۆستەکانت کە ئەم دیاریە کەسانی دەوڵەمەندیش دەگرێتەوەو دروستە وە بەشی تریان بدەیت بە هەژاران .

٣. دروست نیە هیچ لەقوربانیەکە بدرێت بە قەصاب بەرامبەر بە ئەجری سەربرینی ئاژەڵەکە بەڵکو دەبێت پارەی بەجیا پێ بدرێت بەڵام دروستە گۆشتی ئاژەڵەکە وەکو خێر یان دیاری پێی بدرێت .

٤. قوربانی بەتایبەت بۆ مردوو ناکرێت ئەگەر وەسیەتی نەکردبێت چونکە بەڵگەی لەبارەوە نەهاتووە .

٥
. ئەو کەسەی بووەتە وەکیلی کەسێکی تر بۆ قوربانی کردن تەنها خاوەن قوربانیەکە نابێت موو نینۆکی لەخۆی بکاتەوە بەڵام بۆ وەکیلەکە دروستە .

نوسینی : هەڵگورد مصطفى گەڵاڵەیی 

 18

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus