ئەگەر حەسودی كەوتە نێوان دوو بانگخواز یان دوو مامۆستای ئاینیەوە ! چی ڕووئەدات ؟ ئەگەر (دوو بانگخواز ، دوو زانا ، دوو مامۆستا ، دوو شێخ و مەلا ...هتد ) ئیرەییان بە یەكتر برد لەسەر كاریگەری دەعوەو بەرهەم و نوسین و چالاكی وە بەهۆشیەوە پشتی یەكیان پێ لە زەوی دەدا ئەوا نیەت و دەعوەی حەسودەكەیان بۆ خوا نیەو بۆ شوهرەت و ناوبانگ و دەركەوتنە و بەرژەوەندی خۆیەتی ، بۆیە بەدووری مەزانە سبەینێ ئەم زاناو بانگخوازە جەهەنەمی پێ گەرم بكرێت ، بۆچی ؟ چونكە ئەگەر تۆی مامۆستاو بانگخواز نیەتت تەنها بۆ خوا بێت و سەركەوتنی دەعوەو دینی خوات بوێت ئەوا لەدڵەوە پێت خۆش ئەبێت كە پەروەردگار دینەكەی بەهەر كەسێك و ڕێگەیەك بێت سەربخات و ئەبیتە یارمەتیدەرو پشتیوانی هەموو كەسێك كە خزمەت بەم دەعوەیە بكات نەك لێی بدەیت و پشتی بشكێنی . با هەموومان دەست و پشتی یەك بگرین بۆ سەرخستنی ئەم بانگەوازە.