زنجیرەی عەقیدەو بیروباوەڕی ئیسلامیی بۆ منداڵان و نەوجەوانان. (11). وانەی یانزدەهەم : بنەماکانی ئیمان: بنەمای یەکەم : ئیمان بەاللە. ا ـ مانای ئیمان بەاللە چییە ؟ - مانای ئیمان بەاللە تەوحید و تاککردنەوەی اللەیە بەخودایەتی و پەرستراوێتی و ناوەکانی و سیفەتەکانی . ب ـ مانای تەوحیدی خوایەتی ( واتە : تەوحیدی ربوبییەت ) چییە ؟ - تەوحیدی خوایەتی ئیمانە بەوەی کە اللە خولقێنەر ، و رۆزیدەر ، بەڕێوەبەری گێتی ، و ژێنەر ، و مرێنەر و بکەر و ئەنجامدەری هەر شتێکە بیەوێ . بەدەستەواژەیەکی تر ، واتە : تەوحیدی خوا بەکردارەکانی ، بەڵگەش لەسەر ئەوە فەرمایشتی خوایە : ( الحمد للە رب العالمین ) [الفاتحة : ۱] . واتە : سپاس بۆ اللە خواوەندنی جیهانەکان . جـ ـ مانای تەوحیدی پەرستراوێتی (تەوحیدی ئولوهیەت) چییە ؟ ـ ئیمانە بەوەی کە اللە خوا و پەرستراوی حەقە ، و بەتاک و تەنها ئەو شایستەیە بۆ هەموو جۆرەکانی پەرستنەکان لە نوێژ و زەکات و رۆژوو و و حەج و دوعا و تەوەکول و خەوف و رەجا و ئەمر و نەهی و تەشریع و...هتد . بەدەستەواژەیەکی تر تەوحیدی ئولوهییەت ، واتە : تەوحیدی خوا بەکردارەکانی بەندەکان ، یان تەوحیدی عبادەت ، بەڵگەش لەسەر ئەوە فەرمایشتی خوایە : (ایاک نعبد وایاک نستعین) [ الفاتحە : 5] د ـ مانای تەوحیدی ناوەکان و سیفەتەکان (واتە : تەوحیدی اسماء و صفات ) چییە ؟ ـ ئیمانە بەهەموو ئەوەی جێگیر بووە لە قوڕئان و سوننەتدا لە ناوەکان و سیفەتەکانی خوا ، وە ئەو هاوشێوەی نییە لە دروستکراوەنیدا ، بەڵگەش لەسەر ئەوە فەرمایشتی خوایە : (لیس کمثله شيئ وهو السمیع البصیر) [الشوری : ۷] . نووسینی: مامۆستا مەلا مصطفی محمد جعفر تايبەت بە پەيجى شێخ ئەحمەد كاكه مەحموود رحمه الله. www.ahmadkaka.org - www.dangiislam.org