قوتابییەكانی شەیتان بە هەموو هێزێكییانەوە بانگەشەی ژنان دەكەن بۆ خۆ ڕووتكردنەوە.! شێخ ئەحمەد کاکە مەحموود رحمە اللە. بەڵێ دیارە كە مەبەستی شەیتان تەنهاو تەنها دەرخستنی عەورەتەو، ئابڕو بردن و سووككردنی بنیادەمە، بۆیە ئەمڕۆش قوتابییەكانی دەبینی – لێرەو لەوێ – برەو و ڕەواج دەدەن بە داماڵینی جلوبەرگ، وە بە هەموو هێزێكییانەوە بانگەشەی ژنان دەكەن بۆ خۆ ڕووت كردنەوەو خۆ دەرخستن و تێكەڵ بوون بە پیاوان و، هەڵهاتن لە داب و نەریتە ئیسلامییەكان بەناوی ژیارو پێشكەوتن و شارستانییەتەوە.! لە پشت ئەوەیشەوە مەبەستەكە دیارەو ئاشكرایە كە: تێكدان و خراپ كردنی كۆمەڵ و كۆمەڵگەیە، بە ورووژاندنی ئارەزووە جنسییەكان و، نەهێشتنی ئەخلاق و حورمەت و ڕێزی نامووس و، بێ غیرەت كردنی مرۆڤەكان لە ئاستی شەرەفییاندا... ئاشكرایە كە بەرزكردنەوەی ئاڵای كۆن و تازە لەلایەن شەیتان و قوتابییەكانییەوە هەر بۆ ئەو مەبەستەیە، ئەگەر چی ئێستا شێوەو ڕەنگ و دەنگیشی گۆڕابێت، بە ڕاو بۆچوونی من ئەو سووكایەتییە كە ئەمڕۆ بە ژنان ئەكرێت لەلایەن عەلمانییەكانەوە، لە مێژووی كۆن و جاهیلییەتیشدا نەكراوە.! من نامەوێ لەم كورتە تەفسیرەدا هێندێ لەو سوكایەتییانە باس بكەم كە بە ژنان دەكرێن، ئەگینا هیچ پلەیەك نەماوەتەوە بۆیان مایەی قەدرو ڕێز بێت بۆیان.! سەرچاوە: تەفسیری ڕامان. پڕۆژە بانگەوازییەکانی شێخ احمد کاکە محمود رحمه الله. www.ahmadkaka.org - www.dangiislam.org