سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئەگەر کەسێک سولفەی عەقاری وەرگرتبێت بریک پارەی دابێت، کەسەکە مردبێت حوکمی چۆنە.؟
السلام علیكم : به‌ڕێزان ئه‌گه‌ر كه‌سیك سلفه‌ی عقاری وه‌رگرت بێت وه‌بڕێك پاره‌ی لێ سه‌ندرابێت بۆ تامین حیات وه‌ كه‌سه‌كه‌ مرد بێت و حكومه‌ت له‌پاشماوه‌ی قه‌رزه‌كه‌ی خۆش بوو بێت حوكمی چۆنه‌ له‌ روانگه‌ی شه‌رعه‌وه‌ ؟ ئایا ئه‌وپاره‌یه‌ حه‌لاله‌ ؟ وه‌لامم بده‌نه‌وه‌ خواپاداشتتان بداته‌وه‌ .
گۆڕینی فۆنت
وەڵام - ژمارەی پرسیار 775


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 
ئه‌گه‌ر سولفه‌ی عه‌قار له‌ وڵاتێکی ئیسلامییه‌ وه‌کو کوردستان، ئه‌وا به‌ لێخۆشبوونی ده‌وڵه‌تیش له‌و مردووه‌، ئه‌و پاره‌یه‌ نابێته‌ حه‌ڵاڵی که‌سوکاری، چونکه‌ ئه‌و ماڵه‌ موڵکی میلله‌ته‌ و ده‌بێت بگه‌ڕێته‌وه‌ بۆ میلله‌ت که‌ مۆرکی ئیسلامیان له‌سه‌ره‌. خۆ ئه‌گه‌ر دڵنیا نییه‌ له‌وه‌ی ئه‌و پاره‌یه‌ ده‌گاته‌وه‌ ده‌زگاکانی ده‌وڵه‌ت و ده‌دزرێ یاخوود وون ده‌بێت، که‌سوکاری ده‌توانن بیکه‌نه‌ خێر و به‌شی لێقه‌وماوانی لێ بده‌ن، ئه‌وانه‌ی ده‌ستیان ناگاته‌ هیچ و بێبه‌شن و پێویستی زۆریان هه‌یه‌.. 

به‌ڵام ئه‌گه‌ر ئه‌و سولفه‌یه‌ له‌ وڵاتێکی نائیسلامی وه‌رگیراوه‌، ئه‌وا بۆیان هه‌یه‌ که‌سوکاری ئه‌و پاره‌یه‌ بۆخۆیان هه‌ڵگرنه‌وه‌ و سوودی لێ ببینن، به‌ڵام ئه‌گه‌ر قه‌رزی ڕیبا نه‌بێت، چونکه‌ قه‌رزی ڕیبا به‌هیچ شێویه‌ک حه‌ڵاڵ نییه، له‌و حاڵه‌ته‌دا که‌ ڕیبا بووبێ، ده‌به‌خشرێته‌وه‌ به‌ هه‌ژاران و کاروباری خێرخوازی ئیسلامی. 

بۆ بیمه‌ی ژیانیش(تأمین حیاة) حه‌ڵاڵ نییه‌ و موسوڵمان نابێت بیکات مه‌گه‌ر به‌زۆر بێ و نه‌توانێ خۆی لێ دوور بگرێ.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام. 

  ژمارەی بینین 311

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus