به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

نوێژ یه‌كێكه‌ له‌ هه‌ره‌ پایه‌ گه‌وره‌كانی ئیسلام, وه‌كو پێغه‌مبه‌ری خو(صلى الله عليه وسلم)ا ده‌فه‌رموێت " لا خیر فی دین لا صلاة‌ فیه" واته/ ئایینێك نوێژی تێدا نه‌بێت هیچ كه‌ڵكی نییه. 

وه ‌خوای گه‌وره‌ هه‌رِه‌شه‌ به‌(ویل) له‌و كه‌سانه‌ ده‌كات كه ‌گرنگی به ‌نوێژه‌كانیان ناده‌ن، یان له‌كاته‌كانی خۆیدا نایكه‌ن، یان ناوبه‌ناو نوێژ ده‌كه‌ن و پێیان ده‌فه‌رموێتفَوَيْلٌ لِلْمُصَلِّينَ الَّذِينَ هُمْ عَنْ صَلاتِهِمْ سَاهُونَ[الماعون:٤ و٥] . وه‌كو زانایان ده‌فه‌رموون وه‌یل شیوێكه‌ له‌دۆزه‌خدا ئه‌گه‌ر هه‌موو شاخه‌كانی دونیای تێ بكه‌یت ده‌یتاوێنێته‌وه‌، جا ئه‌گه‌ر ئه‌مه‌ سزای ئه‌و كه‌سانه‌ بێت كه‌ كه‌مته‌رخه‌می له‌ كردنیدا ده‌كه‌ن ده‌بێت په‌نا به‌خوا حاڵی ئه‌و كه‌سانه‌ چی و چۆن بێت كه‌ هه‌ر نایكه‌ن، وه‌ ئه‌وه‌نده‌ی گرنگی به‌نوێژ كردن دراوه‌ له‌ئاینی پیرۆزی ئیسلامدا گرنگی به‌ هیچ كارێكی تر نه‌دراوه‌ و چه‌ندین ده‌قی له‌سه‌ر هاتووه‌، هه‌ندێك له‌زانایان وای بۆ ده‌چن ‌هه‌ر كه‌سێك نوێژ نه‌كات پێی كافر ده‌بێت و له‌ موسوڵمانی ده‌رده‌چێت با له‌ ته‌مه‌ڵیشدا نه‌یكات، به‌ڵام زۆرینه‌ی زانایان پێیان وایه‌ كه‌ كافر نابێت به‌ڵام وه‌ك یه‌كێك وایه‌ كه ‌له‌سه‌ر كردنی تاوانی گه‌وره‌ به‌رده‌وامه‌، و ئه‌ركی جه‌نابیشت ئه‌وه‌یه‌ كه‌ به‌رده‌وام ئامۆژگاری بكه‌یت و كۆڵ نه‌ده‌یت له‌ئامۆژگاری كردنی و چونكه‌ له‌خه‌ڵكی زیاتر مافی له‌سه‌رته‌، و خوای گه‌وره‌ش ده‌فه‌رموێتيَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَاراً[التحریم: ‌٦]. واته‌/ ئه‌ی گرۆهی باوه‌رِداران خۆتان خێزان و ماڵ و منداڵتان له‌ ئاگری دۆزه‌خ بپارێزن. وه‌ پێغه‌مبه‌ریش(صلى الله عليه وسلم) ده‌فه‌رموێت: " كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ .. وَالرَّجُلُ رَاعٍ فِى أَهْلِهِ وَهُوَ مَسْئُولٌ عَنْ رَعِيَّتِه" أخرجه مسلم. واته‌/ هه‌ریه‌ك له‌ ئێوه‌ شوانه‌ و هه‌ر یه‌كه‌شتان به‌رپرسه‌ له‌ شوانێتێكه‌ی،‌ پیاو شوانه‌ و به‌رپرسه‌ له‌ ماڵ و منداڵی و په‌روه‌رده‌ كردنیان. جا تكامان وایه‌ نه‌فه‌سدرێژبیت و هه‌ر به‌قسه‌ی خۆش هه‌وڵی له‌گه‌ڵ بده‌یت و بێ هیوا نه‌بیت. 

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.