بسم الله الرحمن الرحيم. به‌ڕێزان سڵاو، پرسيارێكم هه‌يه له به‌ڕێزتان ئه‌گه‌ر ئامۆژگاريم بكه‌ن زۆر مه‌منوونتان ده‌بم، من مێرده‌كه‌م زۆر خۆش ده‌وێت ئه‌ويش منی خۆش ده‌وێت به‌ڵام فه‌زلی كه‌سوكاری ده‌دات به‌ سه‌رمدا ياخود نه‌خۆش بم زۆر جار هه‌ر لێم ناپرسێته‌وه ته‌نانه‌ت بڵێت باش بووی، منيش به‌مه زۆر خه‌م ده‌خوم، هه‌ندێ جاريش به پێچوانه‌وه ده‌مبات بۆ دكتۆر و ده‌مپرسێته‌وه به‌ڵام ئه‌مه‌يان كه‌متره له‌وی تر، باوه‌ڕم پێ بكه‌ن ئه‌گه‌ر ئه‌و نه‌خۆش بێت ته‌نانه‌ت ئه‌گه‌ر سه‌ريشی بێشێت من هه‌ر به ده‌وريیه‌وه‌م، ئه‌ڵێم به‌ڵكوو هه‌ست بكات به‌ڵام بێ سووده ئێستاش به‌ته‌مايه به‌جێم بهێڵێت بچێت بۆ توركيا به كۆرپه‌يه‌كی(8) مانگه‌وه بۆ معامه‌له‌ی ده‌سگيرانی ئه‌و برايه‌ی به شه‌رتێ مێرده‌كه‌م ئيش ده‌كات و براكه‌ی ئيشيشی نیيه، له ماڵ دانيشتووه به‌ڵام ده‌ڵێت ئه‌گه‌ر من بچم پاره زياتر سه‌رف ده‌بێت، به‌ڕاستی مه‌سه‌له‌كه‌ی ئه‌وه‌يه ده‌بێت هه‌موو شتێك به حازری بێته به‌رده‌ستی، مێرده‌كه‌شم بۆی ده‌كات بۆيه فێر بووه، له پاش مله‌شی گاڵته‌ی پێ ده‌كات، خۆم بيستوومه‌ته‌وه، مێرده‌كه‌م ئه‌مه باش ده‌زانێت به‌ڵام هه‌ر ده‌يكات(من له ئه‌ڵمانيا ده‌ژيم زمانيش نازانم) بۆيه لام گرانه به ته‌نها به‌جێم بهێڵێ و نامه‌وێت هيچ كه‌سيش له كه‌سوكارمان به‌مه بزانێت. داوای لێبووردن ده‌كه‌م پرسياره‌كه‌م زۆر درێژه‌، چاوه‌ڕێی ئامۆژگاريتانم تكايه، خودای گه‌وره پاداشتان بداته وه ءان شاءالله.