به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

ئه‌گه‌ر کوڕه‌که‌ خاوه‌نی دین و ڕه‌وشتی به‌رز بێت باشتر وایه‌ له‌گه‌ڵی بڕۆیته‌ ده‌رێ له‌ کاتێکدا بۆ خوێندنه‌ و ماوه‌که‌شی کاتییه‌. هاتنه‌ ده‌ره‌وه‌ بۆ وڵاتانی کوفر جائیز نییه‌ هه‌روا به‌بێ هۆکار و پاساو، به‌ڵام به‌ شێوه‌یه‌کی کاتی و بۆ مه‌به‌ستێکی شه‌رعی جائیزه‌، یه‌ک له‌وانه‌ خوێندنه‌ به‌ڵام مه‌رجی ئه‌وشی له‌گه‌ڵه‌ که‌ ئه‌و که‌سه‌ له‌ ناخدا پته‌و و خۆڕاگر بێ له‌ فیکر و باوه‌ڕ و ڕه‌وشته‌ به‌رزه‌کان بۆ ئه‌وه‌ی له‌ به‌رامبه‌ر لافاوی جاهیلییه‌تی ڕۆژائاوایی و ژیانی ماددیدا نه‌دۆڕێ و نه‌ڕمێ، ئه‌وه‌ش نه‌ک هه‌ر له‌ سه‌ره‌تاوه‌، به‌ڵکو ئه‌گه‌ر له‌ ناوه‌ندی خوێندنیش هه‌ستی به‌وه‌ کرد، پێویسته‌ له‌سه‌ری هه‌مووی به‌جێ بهێڵێ و بگه‌ڕێته‌وه‌، چونکه‌ دین و ڕه‌وشت سه‌رمایه‌ و بناغه‌ی مرۆڤه‌کانه‌ ئه‌گه‌ر فه‌وتا یان که‌وته‌ مه‌ترسی خودی که‌سه‌که‌ ده‌فه‌وتێ و له‌ بنه‌وه‌ هه‌ڵده‌کێشرێ.. 

زۆریشمان دیت کاتێک هاتنه‌ ئه‌وروپا له‌ دین و ڕه‌وشتی خۆیان داڕمان و که‌وتنه‌ گێژاویی ژیانی ماددی و ونبوون، که‌ جارێکی تر هه‌رگیز خۆیان بۆ نه‌دۆزرایه‌وه‌..!! 

سه‌باره‌ت به‌چوونه‌ده‌ره‌وه‌ی تۆش له‌گه‌ڵ مێرد، دیسان په‌یوه‌ندی هه‌یه‌ به‌ متمانه‌ پێکردن و ئه‌و مه‌رجانه‌ش پێکه‌وه‌ ڕێکه‌وتوون له‌سه‌ری، ئه‌گه‌ر متمانه‌ی پێ ناکه‌ی(له‌ دین و ئیمانی) بۆت هه‌یه‌ نه‌چی له‌گه‌ڵی به‌تایبه‌تی ئه‌گه‌ر مه‌رجت کردبێ که‌ ناته‌وێ بچییه‌ ئه‌وروپا، به‌ڵام له‌لایه‌کی تریش چوونی ئه‌و بۆ هه‌نده‌ران و به‌بێ خێزانێک زیاتر مایه‌ی ترس و تووشبوونی هه‌یه‌ به‌ خۆدۆڕان و لاڕێی.. 

به‌هه‌رحاڵ ئه‌وه‌ ده‌که‌وێته‌وه‌ سه‌ر ڕێکه‌وتنی خۆتان، به‌ڵام ئه‌گه‌ر بڕیاری چوونت دا له‌گه‌ڵی ده‌توانی مه‌رجی ئه‌وه‌ی له‌گه‌ڵ بکه‌ی که‌ نابێت بۆ هه‌میشه‌یی بێ و له‌ دوای ته‌واوبوونی خوێندن بگه‌ڕێنه‌وه‌، واش چاکه‌ سه‌باره‌ت به‌ منداڵ به‌ کاتیی ڕێگری لێ بکه‌ی، هه‌تاوه‌کو ئه‌گه‌ر خوانه‌خواست لێی ده‌رکه‌وت لارێی و جاهیلییه‌تی لا په‌سه‌نده‌ و له‌ ژیانی پاکیی و خێزانی بێباکه‌، ئیتر لێی جودا بیته‌وه‌ و زه‌ره‌ر له‌ نیوه‌ی بگه‌ڕێته‌وه‌ باشتره‌. 

بێهیواش مه‌به‌ و ئومێدی زۆرتان به‌ خوا بێت، به‌ڵام دڵنیابه‌ که‌سێکیش دین و ڕه‌وشتی نه‌بێ چاوه‌ڕوانی هه‌موو شتێکی لێ ده‌کرێ، هیوادارین مێردی ئێوه‌ له‌و که‌سانه‌ نه‌بێت. 

نوێژی ئیستیخاره‌ش بکه‌ و له‌ خوا زۆر بپاڕیوه‌ که‌ چی له‌ خێری دونیا و قیامه‌تاندایه‌ ئه‌وه‌تان بۆ بڕیار بدات ٧٩٦ .

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلا