سڵاوی خواتان لێبێت ئێمە لە ئەوروپا دەژین، نزیکی چوار ساڵە کێشەم هەیە لەگەڵ خێزانم و منداڵمان هەیە، نامەوێت منداڵەکانم لە ئەوروپا گەورە بن، دەمەوێت بگەڕێمەوە کوردستان، خێزانم جگە لەوەی بە پۆلیس دەریکردم، ئێستا من ئەوم هەر قەبووڵە و گەردنیم ئازاد کردووە، بەڵام ئەو دەڵێت دەتوانیت بگەڕێتەوە و خانوویەک بگرە بزانین دەتوانین پێکەوە بژین، ئەمەش لە دوای ٢٣ ساڵ ژن و مێردایەتی، بەهەرحاڵ من دەتوانم لە کوردستان ژنێکی تر بهێنم، ئایا گوناهبار نابم ئەویش هەر ژنم بێت؟ بەڵام کە نایەتەوە بۆ کوردستان چۆن بتوانم عەدالەتی نێوانیان ڕابگرم؟ وە ئایا کە ئەوان هەموو شتێکیان بۆ دابین کراوە لەلایەن حکومەتی ئەڵمانیاوە لە خانوو و پارە و پێویستی، ئایا نەفەقەیان هەر دەکەوێتە سەر من لە کاتێكدا من ڕازی نیم لە ئەڵمانیا بژین بەڵام ئەوان بە گوێم ناکەن، خوای گەورە پاداشتان بداتەوە.