سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایا داگرتنی بەرنامەی دزراو دروستە لە ئینتەرنێتەوە.؟
سڵاوی خواتان لێبێ / دوای ده‌ستخۆشی و ڕێزم بۆتان ، چه‌ند پرسیارێكم هه‌یه‌ كه‌ په‌یوه‌ندیان به‌یه‌كه‌وه‌ هه‌یه‌ . به‌هۆی ئه‌وه‌ی پرسیاره‌كانیشم په‌یوه‌ندی به‌ ته‌كنه‌لۆجیاو پێشكه‌وتنی ئه‌م سه‌رده‌مه‌ هه‌یه‌ ، بۆیه‌ حه‌زده‌كه‌م كه‌سانێك وه‌ڵامم بده‌نه‌وه‌ كه‌ له‌ نزیكه‌وه‌ ئاگاداری ته‌كنه‌لۆجیابن . پرسیاره‌كه‌م ئه‌وه‌یه‌ كه‌ :_ من قوتابیه‌كه‌م له‌ به‌شی information technology ده‌خوێنم ، بێگومان سه‌رچاوه‌ی زۆر و پڕۆفیشناڵمان پێویسته‌ بۆ فێربوون . زۆر شت هه‌ن له‌ ئینته‌رنێت كه‌ سوودی زۆریان هه‌یه‌ ، به‌ڵام به‌هۆی ئه‌وه‌ی به‌ پاره‌یه‌ ، ناتوانین ئێمه‌ سودیان لێوه‌رگرین ! ئه‌ویش هه‌م له‌به‌ر ئه‌وه‌ی كه‌ له‌وانه‌ی پاره‌كه‌ی یه‌جگار زۆر بێ و هه‌م له‌به‌ر ئه‌وه‌ش كه‌ كوردستان ئه‌وه‌نده‌ پێشكه‌تو نیه‌ تا بتوانین شت له‌ ئینته‌رنێته‌وه‌ بكڕین ، ئه‌گه‌رچی ئێستا چه‌ند ڕێگه‌یه‌ك هه‌ن ، به‌ڵام پاره‌كه‌ی زۆر زیاتر له‌ حه‌قی خۆی ده‌وه‌ستێ ! مه‌به‌سته‌كه‌م ئه‌وه‌یه‌ چ بۆ به‌رنامه‌ و چ بۆ ڤیدیۆ یان هه‌رشتێكیتر ، سه‌رچاوه‌ی زۆر هه‌یه‌ بۆ به‌ده‌ستهێنانیان به‌ خۆڕایی و واتا به‌ (فری ) . جا ئایا ئه‌گه‌ر له‌ئینته‌رنێته‌وه‌ ئه‌م شتانه‌ دابه‌زێنین و سودیان لێوه‌رگرین ، یان زۆر جار له‌بازاڕ به‌پاره‌یه‌كی كه‌م ده‌ست ده‌كه‌ون ، ئایا به‌كارهێنانیان حه‌ڕامده‌بێ ؟ ئه‌ی حوكمی چیه‌ ئه‌گه‌ر دابه‌زێنرێت به‌ شێوه‌ی فری و دواتر بڵاو بكرێته‌وه‌ جا به‌ فلاش بێ یان له‌ڕێگه‌ی ئینته‌رنێت یان بفرۆشێت ؟ بۆ زانیاریشتان مه‌به‌سته‌كه‌م ته‌نانه‌ (سی دی ) ویندۆزیش ده‌گرێته‌وه‌ كه‌ له‌ بازاڕ به‌ نرخی 1000 دینار ده‌ست ده‌كه‌وێت ، كه‌چی نوسخه‌ی ئه‌سڵی به‌ سه‌دان دۆلاره‌
گۆڕینی فۆنت
وەڵام - ژمارەی پرسیار 501


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:
سوودوەرگرتن لەو بەرنامانەی لە جێگەی ترەوە دزراون و بڵاودەکرێنەوە بەخۆڕایی، ئەسڵ ئەوەیە حەرامە سوودوەرگرتن لێیان لەبەرئەوەی موڵکی داهێنەر و خاوەنەکانیانە و ئیسلامیش مافی خەڵکی دەپارێزێت موسوڵمان بێت یاخود بێباوەڕی ناشەڕخواز(الکافر غیر الحربی)، هۆیەکەیشی ئەوەیە ئەو کۆپانیا و کەسانەی ئەو بەرنامانە دروست دەکەن مەبەستیان پێ بازرگانی و فرۆشتنێتی، بەم پێیە ئەگەر خەکانێکی زۆر لێیان بدزن و بەپارەیەکی کەم بیفرۆشنەوە، دەبێتەهۆی ئەوەی هیچ کەس لەوانیان نەکڕێ و بەمەش تووشی زیان دەبن هەروەها زەوتکردنی مافییانە. 

لەمەوە؛ ئەگەر سوودوەرگرتن لێیانەوە بۆ خۆت نادروست بێت کەواتە مامەڵەکردن و کڕین و فرۆشتنیش پێیانەوە دیسان حەرامە.. هەندێ لە زانایان و دەزگاکانی فەتواش بە دروستیان زانیوە لەهەندێ حاڵەتدا؛ وەکو ئەوەی ئەگەر نەزانرێت نوسخەی ئەسڵین یاخود لەبەرگیراوەیە، دڵنیاییش لەسەری زەحمەت و نامومیکن بێت! یاخود فەرموویانە دەکرێت تەنها سوودیان لێ وەربگیرێت بەڵام لەبەرگرتنەوە و کەسابەت پێیانەوە نادروستە.. 


خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 1703

  • زۆرترین بینراو
  • نوێترین بابەت
Top
Facebook YouTube Twitter Instagram