سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایا دروستە گۆشتی قوربانی بدرێ بە نا موسوڵمان.؟
پرسیار: ئایا دروستە گۆشتی قوربانی بدەم بە دراوسێ ناموسوڵمانەكەمان ؟؟
گۆڕینی فۆنت
وەڵام - ژمارەی پرسیار 3654


پرسیار: ئایا دروستە گۆشتی قوربانی بدەم بە دراوسێ ناموسوڵمانەكەمان ؟؟

وەڵام: بەڵێ دروستە گۆشتی خێر و قوربانی بدەیت بە كەسانی ناموسوڵمان، بەتایبەت ئەگەر خزم و كەس و دراوسێی نزیكت بن، چونكە خوای گەورە دەفەرموێت: ( لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ) الممتحنة / 8.

واتە: " دڵنیاش بن که خوا قه‌ده‌غه‌ی ئه‌وه‌تان لێ ناکات که چاك ڕه‌فتاری و دادپه‌روه‌ری بکه‌ن له‌گه‌ڵ ئه‌و بێباوەڕانەدا كە جه‌نگیان دژ نه‌کردون و دژایه‌تی ئاینیان نه‌کردون و له شوێنه‌وارتان ده‌ریان نه‌کردون، چونکه به‌ڕاستی خوا دادپه‌روه‌رانی خۆش ده‌وێت."

وە پێدانی گۆشتی قوربانیش یەكێكە لەو چاكانەی كە خوای گەورە ڕوخسەتی پێداوین لەگەڵیان بكەین.

🔶️ ئیمامی مجاهد دەفەرموێت: عبداللەی كوڕی عمر (ڕەزای خوای لێبێت) مەڕێكی كردە قوربانی، پاشان وتی بە ماڵ و منداڵەكەی: ئایا بەشی دراوسێ جولەكەكەمانتان دا ؟؟ چونكە گوێم لە پێغەمبەر صلی الله علیه وسلم بووە دەیفەرموو: (جبریل ئەوەندە ئامۆژگاری ئەكردم كە باش بم لەگەڵ دراوسێدا، هەتا وا گومانم دەبرد كە دراوسێ میرات لە دراوسێ ببات)"
(رواه الترمذي (1943) وصححه الألباني)

🔶️ زانای پایە بەرز – ابن قدامە – (ڕەحمەتی خوای لێبێت) دەفەرموێت: " دروستە كەسانی ناموسوڵمان لە گۆشتی قوربانی بخۆن" (المغني 9/450) .

🔶️ زانای پایە بەرز شێخ ابن باز – موفتی پێشووی وڵاتی سعودیە – دەفەرموێت: " ئەو ناموسوڵمانانەی كە لاشەڕن (واتە لە ڕیزی سوپاسی بێباوەڕاندا نین بجەنگن لەگەڵ سوپای موسوڵمانان)، دروستە خێر و خێرات و گۆشتی قوربانیان پێبدرێت" (مجموع فتاوى ابن باز 18/ 48) .

لیژنەی وەڵامدانەوەی پرسیارە شەرعیەکان لە پەیجی #شێخ_احمد_کاکە_محمود

  ژمارەی بینین 83

  • زۆرترین بینراو
  • نوێترین بابەت
Top
Facebook YouTube Twitter Instagram Google Plus