سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ھاوسەرەكەم موڵك و سامانەكانی تاپۆ كردووە لەسەر ماڵ باوكی، منیش بەمە نا ڕازیم ,ئایا تاوانبارم.؟!
سلاو به‌ريزان، من گه‌رده‌نی ميردم ئازا ناکه‌م چونکه‌ به‌گوێم ناکا ئێمه‌ له‌ به‌ريتانيا ده‌ژين ،له‌ کوردستان هه‌موو سه روه ت و مالى به‌ ناوی بابيتی بی ئه‌وه‌ی هيچ حيساب بو من بکا,دونيا ١٠٠٠ مقدره‌ ئينشالله ته‌ مه‌نمان درێژ ده‌بێ به‌لام ئه‌وه‌ راستيه‌ هه‌موومان ده‌مرين پاش مێردم ده‌که‌ومه‌ ده‌رگای خه‌لکی.‌ ئه‌وه‌ش هه‌قی خۆمه‌ له‌ ژيانی دوونيا ،ده‌لێ که‌ چووينه‌وه‌ به‌ ناوی خۆم ده‌که‌م ئێستا عه‌يبه‌، ،گه‌رده‌نيان ئازا ناکه‌م تا هه‌موو شت دێته‌وه‌ سه‌ر ناوی خۆی.به‌لام له‌ خارج له‌ هيچم که‌م نيه‌قسوريم بۆ ناکا .چی بکه‌ين باشه‌؟
گۆڕینی فۆنت
وەڵام - ژمارەی پرسیار 1080

به ‌ناوی خوای به‌خشنده‌ی میهره‌بان.
 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

ئه‌وه‌ی باسی لێوه‌ ده‌كه‌یت جێی ئه‌وه‌ نییه‌ بیكه‌یته‌ كێشه‌ و هه‌ر كێشه‌یه‌كیشی له‌سه‌ر دروست كه‌یت تاوانبار ده‌بیت، چونكه‌ مرۆڤ هه‌رچی هه‌یه‌ ونیه‌تی هی باوك و دایكێتی جا به‌ناویانه‌وه‌ بێت یان نا، وه‌جه‌نابت مافت هه‌یه‌ له‌ ماره‌یی و نه‌فه‌قه‌ و میرات، وكه‌س ناتوانێت ده‌ست بكێشێته‌ ئه‌و مافانه‌ی تۆ. 
جابۆیه‌ ماده‌م كێشه‌تان نییه،‌ كێشه‌ بۆ خۆت دروست مه‌كه‌، وه‌كو خۆشت باست كردووه‌ خوا ده‌زانێت كێ پێش كێ ده‌مرێت و كێ میراتی كێ ده‌خوات، بۆیه‌ جارێ وازی لێ بێنه‌ تا ده‌گه‌رِێنه‌وه‌ وه‌ كه‌ گه‌رِانه‌وه‌ ئه‌و كات ده‌توانیت به‌ هێمنی قه‌ناعه‌‌ت به‌ هاوسه‌ره‌كه‌ت بكه‌یت و شه‌ڕِ و دڵ ئێشانی ناوێت. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 755

  • زۆرترین بینراو
  • نوێترین بابەت
Top
Facebook YouTube Twitter Instagram