سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئایا بۆ ئافرەت گوێڕایەڵی مێردی لە پێشترە یان ،دایك و باوكی.؟
السلام وعلیکم.خه‌زوورو خه‌سووم زۆر ته‌داخولی ژیانی عائیلی خۆم و خێزانه‌که‌م ئه‌که‌ن. به‌ شێوه‌یه‌ک وایان له‌ خێزانه‌که‌م کردووه‌ هیچ به‌ قسه‌ی من نه‌کات هه‌تا رای ئه‌وان له‌سه‌ر شته‌کان نه‌زانێت. ئه‌وانیش وایان له‌ ژنه‌که‌م گه‌یاندووه‌ که‌ رای باوک و دایک له‌ پێش رای مێرده‌وه‌یه‌ به‌ پێی شه‌رع، ئایا وایه‌، مێرد هیچ ده‌سه‌ڵاتێکی نییه‌ له‌سه‌ر ژن هه‌تا به‌ ناخێری خه‌زوور وه‌ستا بێت ؟؟..جزاک الله‌ خیرا‌.
گۆڕینی فۆنت
وەڵام - ژمارەی پرسیار 1082

به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

گوێڕایه‌ڵی مێرد له‌ پێشتره‌ بۆ ژن وه‌ک له‌ دایکی باوکی خۆی، به‌ڵام بۆ پیاو به‌ڵێ ڕه‌زامه‌ندی دایک و بابی له‌ پێشتره‌ وه‌ک له‌ ژنی. واته‌ ژن ده‌بێ گوێڕایه‌ڵی مێردی خۆی بێ و ڕێزیش له‌ دایک و بابی خۆی بگرێ، به‌ڵام ئه‌و مافه‌ی نییه‌ هه‌ڵقورتانی دایک و بابی ڕێگا بدات له‌ ژیانی خێزانی خۆی.. له‌سه‌ر خه‌سو و خه‌زوریش پێویسته‌ ڕێزی کچی خۆیان بگرن و هه‌ڵقورتانیش نه‌که‌ن له‌ ژیانی و کاروباری زاوایان. ته‌نها له‌وه‌دا نه‌بێ فه‌رمانی خوا پێشێل بکرێ له‌و حاڵه‌ته‌ بۆیان هه‌یه‌ هه‌تا توندیش له‌ ڕێگری به‌کار بێنن بۆ ئه‌وه‌ی به‌رژه‌وه‌ندی دونیا و قیامه‌تی کچی خۆیان منداڵه‌کانی نه‌که‌وێته‌ زیان، چونکه‌ له‌ سنووربه‌زاندنی شه‌رعی خوا زیانی دونیا و قیامه‌ت هه‌یه‌. ئه‌وه‌ی لێ ده‌رچێ پیاو ئازاده‌ له‌ ماڵی خۆی و که‌س بۆی نییه‌ بڕیار له‌ ژیانی خێزانیی بدات. 

به‌ڵام له‌ ڕووی پێشنیار و دڵسۆزیی و به‌ده‌ستهێنانی چاکتر بۆ ژیانی زاوا و کچه‌که‌یان مافی ئه‌وه‌یان هه‌یه‌ پێشنیار(نه‌وه‌ک بڕیار!!) بکه‌ن چونکه‌ هه‌موو دایک و بابێک خه‌میان هه‌یه‌ له‌ به‌رژه‌وه‌ندی منداڵه‌کانیان.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 850

  • زۆرترین بینراو
  • نوێترین بابەت
Top
Facebook YouTube Twitter Instagram