سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  ئايا گوێڕایه‌ڵی دایک و باوک واجبه‌ به‌ڵام له‌ سنووری شه‌رعدا.؟
به‌ ناوی خوا، من کوڕێكم ساڵ و مانگێک ده‌بێت ژنم هێناوه‌ ئێستا له‌ ماڵی باوکم ده‌ژیم سوپاس بۆ خوا هیچ کێشه‌یه‌کمان نیه‌، به‌ڵام دایکم ده‌ڵێت که‌ منداڵتان بوو ده‌بێ خێزانت 21 ڕۆژ جارێک یان (ڕۆژێک) بڕواته‌وه‌ .(ماڵی باوکی)، جا ئێستا به‌ 21 ڕؤژ دوو ڕۆژ ده‌ڕواته‌وه‌، به‌پێی شه‌رع من گوناه‌ـ بار نابم ئه‌گه‌ر به‌ قسه‌ی دایکم نه‌که‌م؟
گۆڕینی فۆنت
وەڵام - ژمارەی پرسیار 212

به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 
ئه‌و داوایه‌ی دایکی به‌ڕێزتان هیچ بنه‌مایه‌کی شه‌رعی و حیکمه‌تێکی تێدا نییه‌ هه‌تاوه‌کو دینی خوا قه‌بووڵی بکات! خوای گه‌وره‌ فه‌رمانی پێکردووین به‌ گوێڕایه‌ڵی دایک و باوکمان، به‌ڵکوو شانبه‌شانی په‌رستنی خۆی فه‌رمانی پێکردووه‌وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً[الإسراء:٢٣]. 

ئازاردانی دایک و باوک به‌که‌مترین ئازاریش له‌ گوناهه‌ هه‌ره‌ گه‌وره‌کانه‌"ألا أنبئكم بأكبر الكبائر ‌?‌ الإشراك بالله و عقوق الوالدين و قول الزور" صححه‌ الألباني‌.‌ 

له‌گه‌ڵ هه‌موو ئه‌و پله‌وپایه‌یه‌ی ئه‌واندا به‌ڵام دڵڕاگرتنیان هه‌ر ده‌بێت له‌ ژێر فه‌رمانی خواوه‌ بێ و نابێت پێچه‌وانه‌ی بێت، چونکه‌ فه‌رمانی خوا ده‌بێت له‌سه‌روو هه‌موو فه‌رمانێکه‌وه‌ بێت. خوا و پێغه‌مبه‌ره‌که‌ی(صلى الله عليه وسلم) له‌ پێشترن ڕازی بکرێن ئه‌گه‌ر ڕه‌زامه‌ندییه‌کی تر یه‌ک نه‌هاته‌وه‌ له‌گه‌ڵیانوَاللّهُ وَرَسُولُهُ أَحَقُّ أَن يُرْضُوهُ إِن كَانُواْ مُؤْمِنِينَ [التوبة:٦٢]. 

له‌مه‌وه‌؛ گوناهت ناگات ئه‌گه‌ر ڕێگا به‌ خێزانی خۆت بده‌ی زیاتر سه‌ردانی دایک و باوک و خوشک و براکانی بکات، چونکه‌ به‌جێهێنانی سیڵه‌ی ڕه‌حمیش پێویسته‌ و وازلێهێنانی له‌گوناهه‌ گه‌وره‌کانه‌، 
ته‌نانه‌ت به‌جێنه‌هێنانی سیله‌ی ڕه‌حم مرۆڤ ده‌گه‌یه‌نێته‌ نه‌فرین(اللعنة)ی خوا، خوای گه‌وره‌ ده‌فه‌رموێتَفهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتُقَطِّعُوا أَرْحَامَكُمْ* أُوْلَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ[محمد:٢٢ و٢٣]. 

ده‌توانی به‌م ئایه‌ت و فه‌رموودانه‌ ئامۆژگاری دایکی به‌ڕێزتان بکه‌ن و بۆیان ڕوون بکه‌نه‌وه‌ هه‌تا داخوازی سه‌رپێچی خوا نه‌که‌ن و پاشان ئه‌گه‌ر هه‌ر ڕازی نه‌بوو، ئه‌وا بزانێت که‌ ئێوه‌ ناتوانن فه‌رمانی خوا پشتگوێ بخه‌ن له‌به‌ر حه‌ز و ویستێکی ئه‌وان. 

ئه‌گه‌ر له‌و نێوانه‌شدا له‌سه‌ر ئه‌وه‌ کێشه و ئاڵۆزییه‌کی گه‌وره‌ دروست ده‌کات یاخوود ئێوه‌ ده‌که‌ونه‌ ناڕه‌حه‌تی و ئاژاوه‌، ئه‌وا باشتره‌ به‌ شێنه‌یی چاره‌سه‌ری بکه‌ن و ئه‌گه‌ر بۆ ماوه‌یه‌کیش بێت ئارامیی بکه‌ن به‌هیوایه‌ی دڵی نه‌رم بێ و هه‌موو لایه‌ک خوا ڕازی بکه‌ن. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام. 

  ژمارەی بینین 899

  • زۆرترین بینراو
  • نوێترین بابەت
Top
Facebook YouTube Twitter Instagram