به ناوی خوای به‌خشنده‌ی میهره‌بان. سوپاس و ستایش بۆ په‌روه‌ردگار، دروود و ڕه‌حمه‌ت له پێغه‌مبه‌ری ئازیز (صلی الله‌علیه وسلم) و هه‌روه‌ها له ئال و یارانی. بۆ وه‌ڵامی پرسیاره‌که‌ی به‌ڕێزتان: په‌یوه‌ندی پچڕاندن و هامۆشۆت ئه‌گه‌ر له‌گه‌ڵ نێزیک بێت وه‌کو دایک و باوک و برا و خوشک و پاپیر و داپیر..، حه‌رامه په‌یوه‌ندی پچڕاندن له‌گه‌ڵیان مه‌گه‌ر له حاڵه‌تی زۆر تایبه‌تیدا، وه‌کو کوفر و دژایه‌تییان بۆ ئیسلام. به‌ڵام ئه‌گه‌ر ده‌زانی خوشکه‌که‌ت ئازارت زۆر ده‌دات و تووشی فیتنه و ماڵوێرانیت ده‌کات و بێ هیواشیت له چاکبوونی، بۆت هه‌یه په‌یوه‌ندی لێ ببڕی.. به‌ڵام بۆ ڕه‌زامه‌ندی خوا ئه‌گه‌ر له دووره‌وه‌ش لێی بپرسی یاخود سه‌ردانی که‌م و جاروبار به ته‌له‌فۆن، به‌ڵکو بیر ده‌کاته‌وه و به‌هۆی تۆوه ساز ده‌بێت.. ئه‌وه‌ش ده‌که‌وێته‌وه سه‌ر بڕیاری خۆت و به‌رژه‌وه‌ندیت. خوای گه‌وره‌ش زاناتره (جل وعلا). وصلى الله على نبینا محمد وعلى آله وصحبه وسلم. - - - - - - - - - - - - - - - - - - - - - - - - - - - - - - - - - لیژنه‌ی وه‌ڵامدانه‌وه‌ی پرسیاره شه‌رعییه‌کان/ ده‌نگی ئیسلام.