سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  دەكرێ لە كاتی مارەكردندا وەلیەكە ببێتە شاھێدیش .؟!
من پرسياره‌کم کردبوو له‌ئێوه‌ جوابتان دامه‌و ژماره‌1250 من له‌بيرم نه‌بوو ئه‌وه‌ بڵێم له‌ کاتی ماره‌کردنم دا خاڵم وه‌کيلم بوو هه‌مان کات شاهێديش بوو شاهێدی دووه‌م برام بوو ئايا ده‌بێ يان نابێ که‌ خاڵم شاهێد و وه‌کيلم بووه‌
گۆڕینی فۆنت
وەڵام - ژمارەی پرسیار 1341

به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان: 

ئه‌و دووانه‌ی ده‌بنه‌ شاهێد له‌ گرێبه‌نده‌که‌(العقد) نابێت وه‌لی یان وه‌کیله‌که‌ی بێت، چونکه‌ وه‌لی و وه‌کیل گومانی ئه‌وه‌یان لێ ده‌کرێت ڕاستی بشارێته‌وه‌، مه‌رجی دوو ساهێده‌که‌ ئه‌وه‌یه‌ که‌ موسوڵمان و باڵه‌غ و نێرینه‌ بن. شێخ خه‌لیلی کوڕی ئیسحاق-ڕه‌حمه‌تی خوای لێ بێت- ده‌فه‌رموێت: "وإشهاد عدلين غير الولي بعقده وفسخ إن دخلا بلاه..." واته‌/ شایه‌تیدانی دوو داد که‌ وه‌لییه‌که‌ نه‌بن له‌سه‌ر گرێبه‌نده‌که‌، هه‌ڵیشده‌وه‌شێنرێته‌وه‌ ئه‌گه‌ر دوای گواستنه‌وه‌ش بێت، مه‌به‌ستی ئه‌وه‌یه‌ که‌ ده‌بێت گرێبه‌ندێکی نوێ دامه‌زرێننه‌وه‌ ئه‌گه‌ر که‌متر بێت له‌ دوو شاهێد. 

ئیبن قودامه‌ش-ڕه‌حمه‌تی خوای لێ بێت- ده‌فه‌رموێت له‌(المغني)دا که‌ ماره‌کردن دانامه‌زرێت مه‌گه‌ر به‌ دوو شاهێد، ئه‌وه‌ش ڕای به‌ناوبانگتری ئیمام ئه‌حمه‌ده‌، ئیمامی عومه‌ر و عه‌لی و ئیبن عه‌بباس و شه‌عیدی کوڕی جوبه‌یر و جابری کوڕی یه‌زید و حه‌سه‌ن و نه‌خه‌عی و قه‌تاده‌ و ثه‌وری و ئه‌وزاعی و شافیعی و هی تریش ڕه‌حمه‌ت و ڕه‌زای خوایان لێ بێت هه‌ر وایان فه‌رمووه‌. 

که‌واته‌ ده‌بێت ته‌نها گرێبه‌نده‌که(العقد)‌ دووباره‌ بکه‌نه‌وه‌. 

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام. 

  ژمارەی بینین 738

  • زۆرترین بینراو
  • نوێترین بابەت
Top
Facebook YouTube Twitter Instagram