سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  من خێزانم مارە كردوەتەوە بە بێ ئامادەبوونی وەلی ئەمری ئایا درووستە .؟
به‌رێزان سلاوی خوای گه‌وره‌تان لێبێت له‌سه‌ر وه‌لامی ١٩٣٨ پرسيرێکم هه‌یه‌ ئه‌گه‌ر به‌خێرایی وه‌لامم بده‌نه‌وه‌ زۆر سوپاستان ئه‌که‌م . من خێزانم ماره‌کردۆته‌وه‌ به‌م شێوه‌یه‌ دووشاهیدم هێنا که‌نويژکه‌ربوون به‌لام ئه‌ونده‌ ئه‌يان ناسم که‌هاتووچۆی مزگه‌ووت ئه‌که‌ن یه‌ک له‌شاهیده‌کا ن . ووتی بلێ( انا ارید اجدد نکاحی وامانی تجدیدا بقولی لا له‌ ا لله‌ محمد رسول ا لله‌) وه‌من به‌خیزانم ووت تۆ منت قبووله‌ ووتی به‌لێ منیش ووتم تۆم قبووله‌ وه‌ له‌سه‌ر ماره‌ی ١٠€ ئێرۆ ماره‌م کردۆته‌وه‌ وه‌ ١٠ € ئیرۆ که‌شم دا‌یه‌ .وه‌ شاهیده‌کان ووتیان ئێمه‌ شاهیدین به‌لام به‌بێ ئاماده‌ی وه‌لی ئه‌مری خیزانم و وه‌که‌سیشمان نه‌کرد به‌وه‌کیل . له‌ سه‌روه‌لامی ١٨٩٧ که‌ ئه‌لێ له‌سه‌ربۆچونی هندێ زانایان ده‌کرێ وه‌لی ئه‌مری تێدانه‌بێ . وه‌ده‌کرێ له‌به‌ینی خۆت وخێزانتدابێ واته‌پێووست به‌که‌س ناکات ماره‌مان بکاته‌وه‌ -چوونکه‌ له‌ماره‌کردنه‌وه‌که‌ماندا هه‌رمن و خێزانم و دووشاهیده‌که‌ بووین چونکه‌به‌راستی زه‌حمه‌ته‌ بۆ من ئه‌گه‌ر وه‌لی ئه‌مری تێدابێ چونکه‌ باوکی خێزانم نه‌ماوه وه‌له‌گه‌ل برای خیزانکه‌شم رێک نین ئه‌گه‌ر رێکیشبین له‌وانه‌یه‌ گالته‌ی به‌و حاله‌ته‌مانبێ برا یانی به‌رێز درووسته‌ ئه‌و ماره‌کردنه‌وه‌یه‌ی ئێمه‌ یان پێووسته‌ جارێکی تر دووباره‌ی بکه‌مه‌وه‌ , ئه‌گه‌ر دووباره‌ی بکه‌مه‌وه‌ئه‌کرێ يه‌کێک له‌دووشاهیده‌که‌ ببێ به‌ وه‌کیلی وه‌لی ئه‌مری خێزانکه‌م له‌ هه‌مان کاتدا شاهیدش بێ بۆ ماره‌کردنه‌وه‌که‌مان -وه‌پێووست بکه‌سیکی تر ئه‌کات جگه‌ له‌دوو شاهیده‌که‌ بێت ماره‌مانبکاته‌وه‌ .وه‌له‌سه‌ر ئه‌و بره‌ پاره‌یه‌ی له‌سه‌ره‌ وه‌ نووسیوومه‌ ماره‌م کردۆته‌وه‌ماره‌کردن له‌سه‌ر پاره‌ که‌م بێ یان زۆردرووسته‌ یان نا -تکاتان لێده‌کم و زۆر سووپاسیشتان ئه‌که‌م به‌ووردی وه‌لامم بده‌نه‌وه‌ چونکه‌ زۆر ده‌مێکه‌ ئه‌مه‌ووێ دلم موطمه‌ئین بێ چوونکه‌ باوه‌رتان هه‌بێ زۆر نائارامم. خواتان له‌گه‌لبێت .
گۆڕینی فۆنت
وەڵام - ژمارەی پرسیار 1343

به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

ئه‌و شێوازه‌ی وتووتانه‌ دروسته‌ و ئیتر به‌ عه‌ره‌بی و کوردییه‌که‌ی هیچ جیاوازییه‌کی نییه‌، گرنگ ئه‌وه‌یه‌ ئێوه‌ هه‌ردووکتان به‌ نییه‌تی نوێکردنه‌وه‌ی گرێبه‌ندی نێواتان به و دوو شاهێد یه‌کتریتان قه‌بووڵ کردۆته‌وه‌ و ڕازین له‌سه‌ر شه‌ریعه‌تی ئیسلام و دینی خوا بۆ یه‌کتر حه‌ڵاڵ بنه‌وه‌ له‌ دوای ئه‌و کوفرکردنه‌.. 
ئه‌و ماره‌ییه‌ش که‌(١٠) یۆرۆ بووه‌ و داوته‌تێ به‌جێیه‌ و خوشکیشمان کائاسانی بۆ کردووی که‌ به‌ هێنده‌ ڕازییه‌ و جێی سوپاسه‌. هه‌رچی ڕوکنی وه‌لی ئه‌مریشه‌ له‌ ڕاستیدا ئه‌و ڕایه‌ زۆر په‌سه‌ند نییه‌ که‌ به‌بێ وه‌لی ماره‌کردن بشێت یاخوود بۆ حاڵه‌تی تایبه‌ته‌.. سه‌باره‌ت به‌ ئێوه‌ش ئه‌گه‌ر باوکی کچه‌که‌ وه‌فاتی فه‌رمووه‌ و برایشی زه‌حمه‌ته‌ ده‌کرێ باپیری بێت یان یه‌کێک له‌ مامه‌کانی ئه‌گه‌ر نه‌بوو یه‌کێک له‌ ئامۆزاکانی، ئه‌گه‌ر یه‌کێکتان له‌مانه‌ دۆزییه‌وه‌، به‌ ته‌له‌فۆنیش ده‌بێ به‌ڵام له‌ کاتی ماره‌کردنه‌که‌ په‌یوه‌دنی پێوه‌ بکه‌ن و با به‌ ده‌نگ ئاماده‌ی باس و خواسه‌که‌ بێت یاخوود که‌سێک بکاته‌ وه‌کیل له‌ باتی خۆی له‌وێ بێت، ئه‌گه‌ر که‌سیشتان(وه‌کو وه‌لی بۆ ئافره‌ته‌که‌) ده‌ست نه‌که‌وت ئه‌وا ده‌توانن بچنه‌ ئه‌و مزگه‌وته‌ و ئیمام یان که‌سێکی به‌رپرسی ئه‌و مزگه‌وته‌ ببێته‌ وه‌لی و به‌ ئاگاداری شاهیده‌کان عه‌قده‌که‌ دووباره‌ بکه‌نه‌وه‌. که‌واته‌ ئه‌وه‌ی کردووتانه‌ هێشتا دانه‌مه‌زراوه‌ و دووباره‌ی بکه‌نه‌وه‌. 

شاهێدیش نابێته‌ وه‌لی چونکه‌ شاهێد ده‌بێت بێ لایه‌ن بێ، چۆن ده‌بێت شاهێدیش بێ و وه‌لیش بێت له‌ هه‌مان کات؟!

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

  ژمارەی بینین 722

  • زۆرترین بینراو
  • نوێترین بابەت
Top
Facebook YouTube Twitter Instagram