سەرەتا   |    دەربارە   |    پەیوەندی   |    دەستەی نوسەران   |    من نحن   |    اتصل بنا
       
  تەڵاق و گوومان.؟
به‌ريزان سلاوتان لێبێت , من له‌ سه‌ره‌تای لاويما که‌ تازه‌ ژيانی هاوسه‌ريم درووستکردبوو دوو جار ووشه‌ی ته‌لاق به‌ ده‌ممدا هات جارکيان پێش گواستنه‌وه‌ی خێزانه‌که‌م بوو به‌ته‌له‌فۆن وه‌ جاری دووه‌م دوای گواسته‌وه‌ی بوو به‌ رووبه‌روو، وه‌ ئێستا له‌ بيرم نه‌ماوه‌ چۆن چۆنی بوو وه‌ چۆن سوێنده‌که‌‌م خواردووه‌. به‌لام هه‌ردوو جاره‌که‌ لای مه‌لا چاکی کرده‌وه، به‌ڵام نازانم راستگۆيانه‌ به‌ مه‌لاکمان ووت يان نا، ئه‌گه‌ر له‌ هه‌‌ردوو جاره‌که‌دا ‌ سێ به‌سێ م خواردبێ ، ئايا چاک ئه‌کرێته‌وه‌؟ ‌وه‌ يان ئه‌گه‌ر به‌راستی به‌ مه‌لاکه‌مان نه‌وتبێ، له‌به‌رئه‌وه‌ی جيا نه‌بينه‌وه،‌ باوه‌رتان هه‌بێ بيرم نه‌ماوه‌ چيم وتووه‌ وه‌کو وتم له‌به‌ر ئه‌وه‌ی مولته‌زیم نه‌بووم به‌ دينه‌وه‌، به‌لام ئێستا مولته‌زیمم به‌ دينه‌وه‌ سوپاس بۆ خوا، به‌لام ئه‌گه‌ر به‌م شێوانه‌ بوو بێ خوا نه‌خواسته‌ ئه‌بێ تۆبه‌ی له‌سه‌ر بکه‌م؟ يان ئه‌گه‌ر وابووبێ خوانه‌ ‌خواسته‌ ته‌لاقم ‌ که‌ووتووه؟ ئه‌مه‌ به‌ر له‌ ١٥سال پێش ئستا ئه‌م سوێندانه‌ به‌ده‌ممدا هاتووه‌. وه‌ئێستا خاوه‌نی 5 منالين سوپاس بۆ خوای گه‌وره‌، به‌لام هه‌ر دووجاره‌که‌ له‌سه‌ر رق به‌ده‌ممدا هات وه‌ ئه‌و کاته‌ زۆر مولته‌زيم نه‌بووم به‌دينه‌وه، سوپاستان ئه‌که‌م ئه‌گه‌ر زۆر به‌ خێرایی وه‌ڵامم بده‌نه‌وه‌‌، چونکه‌ بيرکردنه‌وه‌ی ئێستام زۆر جياوازتره‌ وه‌ک له‌وکاته.
گۆڕینی فۆنت
وەڵام - ژمارەی پرسیار 1369


به ‌ناوی خوای به‌خشنده‌ی میهره‌بان. 
سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

بۆ‌ وه‌ڵامی پرسیاره‌که‌ی به‌ڕێزتان:

برام ئه‌م مه‌سه‌له‌یه‌ی جه‌نابت باسی ده‌كه‌یت كه‌كاتی خۆی ته‌ڵاقت به‌ده‌مدا هاتووه‌ ئیستا بیرت نایه‌ چیت ووتوه‌ و چۆن چاكراوه‌ته‌وه‌، باشتر وایه‌ هه‌ر وازی لێ بێنیت و باسی لێوه‌ نه‌كه‌یت، و ژیانی هاوسه‌ری خۆت درێژه‌ پێ بده‌ و ته‌وبه‌ بكه‌، به‌ڵام ئه‌گه‌ر دڵنیایت كه‌ كاتی خۆی به‌درۆ یان فێڵ ئه‌و ته‌ڵاقانه‌ت چاك كردۆته‌وه‌ و درۆت له‌گه‌ڵَ ئه‌و مامۆستایانه‌ كردووه‌ كه‌ ته‌ڵاقه‌كه‌یان بۆ چاككردویته‌ته‌وه‌ ئه‌وه‌ پێویسته‌ سه‌ر له‌نوێ قسه‌ له‌سه‌ر ته‌ڵاقه‌كان و شێواز و حوكمی چاكردنه‌وه‌ی بكرێته‌وه‌، جا خۆت یه‌كلا بكه‌ره‌وه‌ و ئه‌گه‌ریش بیرت نایه‌ته‌وه‌ یان دڵنیا نیت هه‌ر وازی لێ بێنه‌.

خوای گه‌وره‌ش زاناتره ‌(جل وعلا).‌ 
وصلى الله على نبینا محمد وعلى آله وصحبه وسلم. 
- - - - - - - - - - - - - - - - - - - - - - - - - - - - - - - - - 
لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

 

  ژمارەی بینین 916

  • زۆرترین بینراو
  • نوێترین بابەت
Top
Facebook YouTube Twitter Instagram