به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

ئه‌گه‌ر به‌ گوێی ئێمه‌ ده‌که‌ی جارێ وازبهێنه‌ له‌ چوونه‌ ناو ئه‌و باس و خواسانه‌، ده‌توانی به‌ شێوه‌یه‌کی گشتی به‌رگری له‌ موسوڵمان بکه‌ی، به‌ڵام کردنه‌وه‌ی ئه‌و باس و که‌سایه‌تییانه‌ ده‌رگای گرژی و فیتنه‌ له‌سه‌رت دروست ده‌کا له‌گه‌ڵ بنه‌ماڵه‌ و خانه‌واده‌ت، ئێوه‌ش هێشتا نوێ و تازه‌ موسوڵمانن، جارێ خه‌ریکی زانست و فێربوونی بواره‌کانی ئیسلام بده‌، ئه‌گه‌ر بوویته‌ شاره‌زا و خۆت به‌هێزکرد به‌ عیلم و ئیمان، ئیتر بۆ خۆت هه‌موو شتێک فێر ده‌بی و که‌سیش ناتوانێ فریوت بدات، هه‌موو مسوڵمانێکت خۆش بوێ، باوه‌ڕیشت وابێت که‌ هه‌موو که‌س هه‌ڵه‌ ده‌کات، له‌گه‌ڵ ئه‌و مسوڵمانانه‌ش هاوده‌می و ئاشنایی بکه‌ که‌ قسه‌ به‌ موسوڵمانان ناڵێن و خه‌ریکی دووبه‌ره‌کی نین، یاخوود خه‌ریکی کاری خێر و چاکه‌ن، دڵی خۆت پاک ڕاگره‌ و سینه‌ت فراوان بێ له‌ به‌رامبه‌ری که‌سوکارت، به‌ڵکوو به‌هۆی تۆوه‌ ئه‌وانیش لێیان موسوڵمان بێ و خوا بناسێ له‌سه‌ر ڕێگای ڕاستی ئیسلام.

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.