دەنگی ئیسلام‌

ئايا ڕۆژوو شکاندن به‌ خواردنی که‌مپ دروسته.؟

[به‌ناوی خوای گه‌وره‌] سڵاوتان لئ بێت، من له‌ سوید ئه‌ژیم له‌ که‌مپم به‌ خواردنی ئه‌وروپا ڕۆژوو ده‌گرم خواردنی حه‌ڵاڵه؟‌‌ دروسته ڕۆژووه‌که‌م؟ سوپاس سه‌رکه‌وتو بن خواپاداشتان بداته‌وه‌ من دارا له‌گه‌ڵ ڕێزدا.

گۆڕینی فۆنت

وەڵام - ژمارەی پرسیار 258

به ‌ناوی خوای به‌خشنده‌ی میهره‌بان.

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:

خواردنی که‌مپ و ئۆردوگای ئه‌م وڵاتانه‌، ده‌گه‌ڕێته‌وه‌ سه‌ر بووجه‌ و سه‌رمایه‌یان، ئایا چۆنی په‌یدا ده‌که‌ن و ئایا بۆ ئێمه‌ حه‌ڵاڵه‌ یاخوود نا!؟

زانایان له‌سه‌ر ئه‌وه‌ن که‌ هه‌ر پاره‌ و خواردنێک له‌م وڵاتانه‌ وه‌رده‌گیرێ له‌لایه‌ن په‌نابه‌رانه‌وه‌، حه‌ڵاڵه‌ و هیچی تێدا نییه، به‌ تایبه‌تی بۆ ئه‌وانه‌ی هێشتا مافی په‌نابه‌رێتییان وه‌رنه‌گرتووه‌، ئه‌گه‌ر ئه‌و مافه‌یان وه‌رگرت باشتره‌ بۆیان به‌زوویی له‌ ده‌ستی خۆیان بخۆن و پشت به‌ که‌س نه‌به‌ستن و بار نه‌بن له‌سه‌ر خه‌ڵکی تر.‌

به‌ڵام وه‌کو وتمان پاره‌ و کۆمه‌کی ئه‌و وڵاتانه‌ بۆ ئێمه‌ جائیزه‌ و حه‌ڵاڵه‌.

ئه‌وه‌ی ماوه‌؛ ئایا چیت پێ ئه‌ده‌ن بۆ خواردن؟ بێگومان موسوڵمان نابێت هه‌رچی ئه‌مان پێیان دا یاخوود بۆیان ئاماده‌ کرد، لێی بخوات به‌بێ ڕاوه‌ستان، خوای گه‌وره‌ ته‌نیا پاکی بۆ ئێمه‌ حه‌ڵاڵ کردووه‌! که‌واته‌ هه‌رچی پیسه‌ حه‌رامه‌ و حه‌رامیش وه‌کو گۆشتی به‌راز و مرداره‌وه‌بوو، بۆیه‌ ئه‌گه‌ر خۆراکێکیان بۆ ئاماده‌کردن زانیتان گۆشتی مرداره‌وه‌بووه‌ یان به‌رازه‌، ئه‌وا ته‌نها له‌و حه‌رامانه‌ خۆتان دوور ده‌گرن و ده‌پارێزن.

ئه‌گه‌ر ته‌نها هه‌ر ئه‌وه‌ش هه‌بوو باشتره‌ پێیان بڵێی که‌ من ناتوانم ئه‌و خواردنه‌ بخۆم، هه‌تاوه‌کو شتێکی ترت بۆ ئاماده‌ بکه‌ن، خۆ ئه‌گه‌ر هه‌ر چار نه‌بوو، وه‌ک ئه‌وه‌ی ته‌نها ئه‌و خواردنه‌ هه‌یه‌ و تۆیش ناتوانی هی تر به‌ده‌ست بهێنی له‌به‌ر بێ پاره‌یی، ئه‌وا حه‌رامت بۆ حه‌ڵاڵ ده‌بێت به‌و ئه‌ندازه‌یه‌ی برسێتی و مه‌ترسی مردنت له‌سه‌ر لابچێت، به‌ڵام دڵنیابه‌ ناگاته‌ ئه‌وه‌ی تووشی ئه‌و مه‌ترسییه‌ ببیت، خوای گه‌وره‌ بتانپاریزێ.

خوای گه‌وره‌ش زاناتره ‌(جل وعلا).‌

وصلى الله على نبینا محمد وعلى آله وصحبه وسلم.

- - - - - - - - - - - - - - - - - - - - - - - - - - - - - - - - -

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

ژمارەی بینین 881