به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

ئەوەی لە دەقی قورئان و فەرموودەدا هاتووە گشتییە و باسی خواردن و کارتیاکردن و پارەپەیداکردن دەکات بە گۆشتی بەرازەوە، زانایان مانای ئەوەیان بەوجۆرە لێکداوەتەوە کە هەرشتێک ئەگەر حەرام بوو کڕین و فرۆشتن و کار پێوەکردنیشی حەرام دەبێت، ئەوەی پەیوەندی هەیە بە مرۆڤەوە، چونکە حەرامیی ئەو شتانە لە ئەستۆی مرۆڤەکانە.. لەبەرئەوەیە پێشکەشکردن ا ئامادەکردنی گۆشتی بەراز بۆ خەڵکانی تریش دیسان حەرامە چونکە هاوکارییە لە تاوان و سەرپێچی خودا. خوای گەورە فەرموویەتیحرمت عليكم الميتة والدم ولحم الخنزير ئەوەش ڕووبەرووی ئێمەی موسوڵمانە، بەڵام بەهۆی ئەوەی بەهاتنی ئیسلام شەریعەتەکانی خاوەن کتێبەکانی پێش ئێمە هەڵوەشاوەتەوە، بۆمان نییە هاوکارییان بین لە هەرشتێک پێچەوانەی پەیامەکانی قورئان و سوننەتمان بێت.. 

ئەوەی تەنها دروستە لە گۆشتی بەراز؛ ئەوەیە ئەگەر بۆ تاقیکردنەوە و فێرکردنی فێرخوازە پزیشکەکان دەستی خۆیانی لێ بدەن لە پێناوی فێربوون و گەیشتن بە زانستی تازە کە خزمەت بە بەرژەوەندی ئادەمیزاد بکات. هەروەها دروستە لە باخچەیەکی گیانداراندا گۆشتی بەراز بدرێتە گیانەوەرە گۆشتخۆرەکان، ئەوانەی گۆشتی خۆیان لای ئێمە ناخورێت، وەکو شێر و پڵینگ و گورک و سەگ و ...تاد. ئەمەش فەتوایەک لەو بارەوە حوکمی پێشکەشکردنی گۆشتی بەراز بۆ خەڵكی. 

لەمەوە ئێوەش ئەی خوشکی بەڕێز بۆتان دروست نییە لەو کارە بەردەوام بن مەگەر لە حاڵەتی ئەوەی ڕێگات بدەن ئەگەر ژەمەکە گۆشتی بەرازی تێدابوو، خواردن پێدانی منداڵەکان نەکەیت یاخود بەلایەنی کەمەوە هیچ پەیوەندیت بە گۆشتی بەرازەکەوە نەبێت. بۆ نمونە ڕەنگە منداڵ هەبێت لەوێ موسوڵـمانە، خواردنی حەڵاڵی بۆ ئامادە کراوە، بتوانیت لەگەڵ ئەو منداڵانە کار بکەیت لەو حاڵەتانە.

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.