به ‌ناوی خوای به‌خشنده‌ی میهره‌بان. 

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی. 

1. سه‌باره‌ت به‌ وێنه‌گرتنیش، په‌یوه‌ندی هه‌یه‌ به‌ ئه‌سڵی وێنه‌گرتنه‌وه پاشان لایه‌نی شه‌رعی ئه‌و وێنه‌گرتنه‌. 

هه‌ندێک له‌ زانایان ڕایان وایه‌ که‌ وێنه‌گرتنی گیانله‌به‌ران(وه‌ک مرۆڤ) دروست نییه‌ مه‌گه‌ر بۆ ناچاری نه‌بێت وه‌کو وێنه‌ی مامه‌ڵه‌ و کاروباره‌کان(وه‌ک پاسپۆسرت و ناسنامه‌ و ..)، به‌ڵگه‌شیان هه‌موو ئه‌و فه‌رموودانه‌یه‌ که‌ وێنه‌کێشانی حه‌رام کردووه‌ و هه‌ڕه‌شه‌ له‌ وێنه‌کێشان ده‌کات، وه‌کو فه‌رمووده‌ی قودسی" ومن أظلم ممن ذهب يخلق خلقاً كخلقي " رواه البخاري ومسلم، یاخوود" لا تدخل الملائكة بيتاً فيه كلب ولا صورة" ‌رواه البخاري ومسلم. هه‌رچه‌نده‌ ئه‌م فه‌رمووده‌یه‌ زیاتر په‌یوه‌نده‌ی هه‌یه‌ به‌ هه‌ڵواسینه‌وه‌. 

ئه‌وانی تریش(هه‌روه‌کو ئیبن عوثه‌یمین-ڕه‌حمه‌تی خوای لێ بێت) ده‌فه‌رموون وێنه‌ی فۆتۆگرافی و کامیرا ناچنه‌ حوکمی ئه‌و وێنه‌کێشانه‌وه‌، به‌ڵکوو ئه‌مه‌یان ته‌نها گوێزانه‌وه‌ی‌ وێنه‌ی دروسکراوێکی خوایه‌، نه‌وه‌ک کێشانی. ئه‌گه‌ر له‌سه‌ر ڕای دووه‌میش بێت، پێویسته‌ ڕه‌چاوی شه‌رعییه‌تی وێنه‌گرتنه‌که‌ بگیرێت، وه‌ک ئه‌وه‌ی تێکه‌ڵاوی پیاو و ئافره‌ت نه‌بێت، ڕووتی و نیوه‌ڕووتی تێدا نه‌بێت...تاد. 

ده‌شتوانی لێره‌ به‌ ده‌نگی خۆی گوێبیستی بیت شێخ ئیبن عوثه‌یمین . 

2. ئه‌سڵ ئه‌وه‌یه‌ پانتۆڵ بۆ ئافره‌تان نییه‌، به‌رگی ئیسلامی بۆ ئافره‌تان ئه‌وه‌یه‌ هه‌موو له‌شی داپۆشێ و یه‌ک پارچه‌ بێت، به‌ڵام جائیزه‌ له‌ ژێر به‌رگی باڵاپۆشییه‌وه‌ پانتۆڵ له‌به‌ر بکرێ، ئه‌وه‌ی ئێوه‌ش باسی ده‌که‌ن ده‌توانین بڵێین شه‌ڕی که‌متره‌ له‌ به‌رگی ئه‌وانه‌ی ڕووتن یان نیوه‌ڕووتن، له‌ مه‌رجه‌کانی باڵاپۆشی ئه‌وه‌یه‌ به‌رین بێت، پانتۆڵیش به‌ده‌نی ئافره‌ته‌که‌ وه‌سف ده‌کات ئه‌گه‌ر ته‌سکیش نه‌بێت. به‌ڵگه‌ی تری حه‌رامی پانتۆڵ بۆ ئافره‌تان ئه‌وه‌یه‌ خۆچواندنی تێدایه‌ به‌ پیاوان، ئه‌وه‌ش به‌ ده‌قی فه‌رمووده‌ حه‌رامه‌ و نه‌فرینی له‌سه‌ر کراوه‌، ده‌فه‌رموێ"لعن المتشبهين من الرجال بالنساء ، والمتشبهات من النساء بالرجال" رواه‌ البخاري. ئه‌مه‌ش بخوێنه‌وه‌ 40 .

خوای گه‌وره‌ش زاناتره ‌(جل وعلا).‌ 

وصلى الله على نبینا محمد وعلى آله وصحبه وسلم. 

- - - - - - - - - - - - - - - - - - - - - - - - - - - - - - - - - 

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.