دەنگی ئیسلام‌

ئايا بوونی ئه‌لکهول له‌ شامپۆدا حه‌رامه‌.؟

مانگی ڕه‌مه‌زان و نور و به‌ره‌که‌تی لێتان پیرۆزبێت،به‌ڕێزان من پرسیارێکم هه‌یه‌ من تازه‌ بینیومه‌ که‌ شامپۆ الکهولی تیایه‌ ئایا خۆشۆردنیشی حه‌رامه‌ ؟خواجه‌زاتان باته‌وه‌.

گۆڕینی فۆنت

وەڵام - ژمارەی پرسیار 413

به ‌ناوی خوای به‌خشنده‌ی میهره‌بان.

سوپاس و ستایش بۆ په‌روه‌ردگار، دروود و ڕه‌حمه‌ت له‌ ‌پێغه‌مبه‌ری ئازیز (صلی الله‌علیه‌ وسلم) و هه‌روه‌ها له‌ ئال و یارانی.

بۆ‌ وه‌ڵامی پرسیاره‌که‌ی به‌ڕێزتان:

زانایان ناکۆکن له ڕه‌وایی‌ به‌کارهێنانی ئه‌لکهول له‌ شامپۆ و مه‌رهه‌م و هه‌ندێ ده‌رمان و بۆنه‌کان..

هه‌ندێکیان ده‌فه‌رموون چونکه‌ پیسه‌، نابێت به‌کاربێت له‌و شتانه‌شدا و ئه‌گه‌ر هه‌بوو، به‌کارهێنانی جائیز نییه‌، ئه‌وه‌ش بۆچوونی جومهوره‌، ئه‌وانی تریش ده‌فه‌رموون؛ مه‌ی و ئه‌لهکولییه‌کان هه‌رچه‌نده‌ خواردنه‌وه‌یان حه‌رامه‌، به‌ڵام پیس نییه‌، بۆیه‌ له‌ غه‌یری خواردنه‌وه‌ ده‌کرێ سوودی لێ ببینرێ، وه‌کو بواری پاکژکردنه‌وه‌(تعقیم) و ده‌رمانی ده‌ره‌وه‌ی له‌ش و چاره‌سه‌ری نه‌شته‌رگه‌ری و بۆن و..تاد.

له‌ ڕاستیش ئه‌م ڕایه‌ په‌سه‌نده‌ چونکه‌ هیج به‌ڵگه‌یه‌ک نییه‌ له‌ قورئان و فه‌رمووده‌ باس له‌وه‌ بکات مه‌ی و هاوشێوه‌کانی پیسن به‌ پیسی به‌رجه‌سته‌یی(حسي) به‌ڵکوو ته‌نها پیسییه‌که‌ی مه‌عنه‌وییه‌، ئه‌وه‌یه‌ له‌ خواردنه‌وه‌ی مێشک و هۆشی ئاده‌میزاد تێک ده‌دات و به‌وه‌ش زیان ده‌گه‌یه‌نێ به‌ دونیا و دواڕۆژی بخۆری و هه‌روه‌ها کۆمه‌ڵگاش.

که‌واته‌ به‌م پێیه‌ بێت جائیزه‌ ئه‌و شامپۆیانه‌ به‌کاربێن، به‌ڵام له‌ ڕووی ئه‌وه‌ی دوودڵی نه‌مێنێ، ئه‌گه‌ر بێبابکییان لێ بکرێ، واته‌ به‌کارنه‌هێنرێن له‌ پێشتر و باشتره‌ به‌تایبه‌تی له‌ حاڵه‌تێک له‌بری ئه‌وه‌ هی تر هه‌بێت و ئاسان ده‌ست بکه‌وێ.

خوای گه‌وره‌ش زاناتره ‌(جل وعلا).‌

وصلى الله على نبینا محمد وعلى آله وصحبه وسلم.

- - - - - - - - - - - - - - - - - - - - - - - - - - - - - - - - -

لیژنه‌ی وه‌ڵامدانه‌وه‌ی پرسیاره شه‌رعییه‌کان/‌ ده‌نگی ئیسلام.

ژمارەی بینین 779