ئایا لە ڕووی زانستییەوە (جن) دەچێتە لەشی مرۆڤەوە ؟ بەهەزارەها جۆری بەكتریاو ڤایرۆس كە بەچاو نابینرێن دەچنە ناو لەشی مرۆڤەوە ، ئیتر چ كێشەیەكی تیایە جن بچێتە لەشی ئینسانەوە ؟ تێبینی / جنەكان كە ئێمە نایانبینین لە بڵێسەی ئاگر دروست بوون و وە لەڕووی زانستیشەوە بڵێسەی ئاگر لە چەندین شەپۆلی جیاواز پێكهاتووە چۆن خوای گەورە مرۆڤی لە سەرەتادا لە گڵ دروست كرد و پاشان لە چۆڕە ئاوێكی مەنگ و (تۆو هێلكە) هێنایە بوون و كردی بە مرۆڤێكی كامڵ ئاواش ئەو توانایەی هەیە كە جنەكان لە بڵێسەی ئاگر دروست بكات و بیانهێنێتە بوون كە بڵێسەی ئاگر چەندین شەپۆلی جیاوازیان هەیەو ئەم شەپۆلانەش توانای چوونە ناو لاشەی مرۆڤەكانیان هەیە بۆ تێگەیشتن و تەنها بەنمونە / تۆ ئەگەر بچیتە ژوورێكی داخراوەوە ئەوا مۆبایلەكەت توانای وەرگرتنی هەموو ئەو شەپۆلانەی هەیە كە لە ڕادارەكانەوە وەری دەگرێت ، بۆیە مادام جنیش لە بڵێسەی ئاگر دروست بووە و وە گومانیشی تیانیە كە ئاگر چەندین شەپۆلی جیاوازو جۆراو جۆری هەیەو ئەو شەپۆلانە توانای بڕینی دیوارەكانیان هەیە چۆن خوای گەورە بەگەورەیی خۆی توانی لە چۆڕە ئاوێك یان گڵێك مرۆڤێك بخوڵقێنێت و دروستی بكات و عەقڵی پێ ببەخشێت و بتوانێت ببینێت و قسەبكات و ببیستێت ..هتد... ئەوا بەهەمان شێوە لەتوانای دایە كە لە شەپۆلەكانی بڵێسەی ئاگر جن بخوڵقێنێت و دروستی بكات و بیهێنێتە بوون و هەست و هۆشی پێ ببەخشێت. تێگەیشتن / مادام مۆبایلەكەت لە ژوورێكی داخراودا ئیش دەكات و شەپۆلی ڕادارەكان دەتوانن دیوارەكان ببڕن و بگەنە سۆرسی مۆبایلەكەت ئەوا جنەكانیش ئەتوانن دیواری لاشەت ببڕن و بچنە ناو لاشەتەوە چونكە ئەوانیش لە بڵێسەو شەپۆلەكانی ئاگر دروست بوون. تێبینی / جنەكان زۆر لاوازن بەرامبەر مرۆڤی ئیمانداری بەتەقوا ناتوانن دیواری لەشی ببڕن تا بچنە ناوییەوە. وەڵامدانەوەى: د.شكار عزیز پڕۆژە بانگەوازییەکانی شێخ احمد کاکە محمود رحمه الله. www.ahmadkaka.org - www.dangiislam.org